शीला दीक्षितांच्या अंत्यविधीला जाण्याऐवजी तुम्ही गोडधोड का जेवत होता; विखेंचा थोरातांना सवाल

थोरात यांच्या तालूक्यात सर्वाधिक टँकर चालू असताना ते राज्यात दुष्काळ मुक्तीच्या दृष्टीने संगमनेर तालूका रोल मॉडल असल्याचे सांगातात, अशी थोरांतांवर जोरदार टीका विखे यांनी केली आहे.

अहमदनगर- महाराष्ट्रात वाताहात झालेल्या काँग्रेसला स्थैर्य मिळवून देण्यासाठी प्रदेशाध्यपदी बाळासाहेब थोरात यांची नेमणूक महिन्याभरापूर्वी काँग्रेसने केली आहे. पण, प्रदेशाध्यक्षांच्याच गडाला सुरुंग लावण्याची तयारी त्यांचे कट्टर विरोधक विखे पिता-पुत्रांनी केली आहे. त्यांनी बाळासाहेब थोरातांच्या मतदारसंघात विखे पाटलांच्या अर्थात भाजप युतीच्या जनसंपर्क कार्यालयाचे उद्घाटन केले आहे. यावेळी विखे पाटलांनी थोरांतावर बोचरी टीका करत विधानसभेच्या प्रचाराच जणू बिगूल फुंकला आहे.

राज्यात पूरस्थिती उद्भवलेली असतांना विधानसभा निवडणुकीच्या पार्श्वभूमीवर विखेंनी कार्यालयाच उद्घाटन केल. हिच संवेदनशीलता का अशी टीकेची झोड थोरात सर्मथकांकडून सोशल मिडियावर केली जात असल्याने विखे पाटील म्हणाले. त्यावरूनच विखे यांनी

पूरपरिस्थितीवरून थोरांताच्या टीकेला प्रत्युत्तर दिले.

या संपर्क कार्यालयाचे उद्घाटन करताना, विखे पाटील यांनी आपल्या भाषणातून थोरात यांच्या तालूक्यात सर्वाधिक टँकर चालू असताना ते राज्यात दुष्काळ मुक्तीच्या दृष्टीने संगमनेर तालूका रोल मॉडल असल्याचे सांगातात. मग आम्हाला संवेदनशीलता शिकवणाऱ्या थोरातांनी आपल्या दूध संघाकडून मदत का पाठवली नाही? तसेच शीला दीक्षित यांच्या अंत्यविधीला जाण्याऐवजी तुम्ही गोडधोड जेवन का करत होता? त्यावेळी तुमची संवेदनशीलता कुठे गेली होती, असा सवालही विखेंनी अप्रत्यक्षपणे थोरांताना केला आहे.

गेल्या काही महिन्यापासून राधाकृष्ण विखे यांनी संगमनेरमधे अधिक लक्ष केंद्रीत केले आहे. काँग्रेसचे प्रदेशाध्यक्ष बाळासाहेब थोरात आणि राधाकृष्ण विखे पाटील यांच्यात कट्टर राजकीय वैर आहे. विखेंनी भाजप प्रवेश केल्यानंतर राष्ट्रवादीचे जेष्ठनेते मधुकर पिचड यांचे पुत्र वैभव पिचड यांना विखे पाटील यांनी पक्षात घेतल्या नंतर जिल्ह्यातील बाराही विधानसभेच्या जागा निवडून आनण्यासाठी व्युव्हरचना आखण्यास सुरुवात केली आहे. त्याचबरोबर थोरांतांना शह देण्यासाठी संगमनेरात संपर्क कार्यालय थाटले आहे.