अहमदनगर- औरंगाबादचे नामकरण संभाजीनगर करावे अशी मागणी मनसेच्या वतीने देखील करण्यात येत आहे. या मागणीसाठी मनसेकडून राज्यभरात आंदोलन सुरू आहे. बुधवारी मनसे विद्यार्थी सेनेच्या वतीने अहमदनगर बसस्थानकामध्ये आंदोलन करण्यात आले. यावेळी औरंगाबादकडे जाणाऱ्या बसला आंदोलकांनी संभाजीनगर नाव असलेले फलक लावले, तसेच औरंगाबादचे नाव बदलून संभाजीनगर करा अशी मागणी यावेळी आंदोलनकांनी केली.
औरंगाबादच्या नामकरणावरू सध्या चांगलेच वातावरण तापले आहे. भाजपसह मनसेने देखील औरंगाबादचे नाव संभाजीनगर करण्याची मागणी केली आहे. मनसेकडून नामकरणाच्या मागणीसाठी राज्यात अनेक ठिकणी आंदोलने देखील करण्यात आली आहेत. बुधवारी मनसेने अहमदनगर बसस्थानकात आंदोलन केले. यावेळी मनसेच्या वतीने जोरदार घोषणाबाजी करत, औरंगाबादचे नामकरण संभाजीनगर करण्यात यावे अशी मागणी करण्यात आली आहे. विशेष म्हणजे औरंगाबद महापालिकेची निवडणूक जवळ येत असताना, नामकरणावरून आरोप-प्रत्यारोपाचे राजकारण रंगताना दिसत आहे.
