अहमदनगर - 'सबका मालिक एक'चा महामंत्र देणाऱ्या शिर्डी साईबाबांच्या दर्शनासाठी देश विदेशातील सर्व सामान्य भक्तांबरोबर आता विदेशी मंत्रीही साईचरणी नतमस्तक होण्यास शिर्डीत दाखल झाले होते. मंगळवारी मॉरिशसचे भू-परिवहन व लाईट रेल्‍वे मंत्री एलन गेणू यांनी शिर्डीत येऊन साईबाबांच्या समाधीचे दर्शन घेतले.
मॉरिशसचे भू-परिवहन व लाईट रेल्‍वे मंत्री एलन गेणू साई दर्शनानंतर 'ई टीव्ही भारतशी' बोलत होते. ते म्हणाले, मॉरिशस या देशात सुमारे ६० टक्‍के हिंदु लोक वास्‍तव्‍य करतात. तेथे साईबाबांची ५ ते ६ छोटी मंदिरे असून भाविक बाबांच्या दर्शनाकरीता त्या ठिकाणी गर्दी करत असतात. यामुळे आम्‍ही गंगालेख येथे साईबाबांचे भव्‍य मंदिर बांधण्‍याचे ठरवले आहे. यासाठी जागाही निश्चित करण्‍यात आली असल्‍याचे सांगून आज साईबाबांचे दर्शन घेऊन अतिशय आनंद झाला असल्‍याचे गेणू यावेळी म्हणाले.
हेही वाचा - 'बाबांच्या नामस्मरणामुळे मनातील द्वेष निघून जातो' पाथरीकरांनी दररोज महाआरती करावी, शिर्डीकरांचा सल्ला
हेही वाचा - शिर्डीत विरुध्द दिशेने येणाऱ्या भरधाव ट्रकची अनेक वाहनांना धडक; रिक्षा चालकासह दोन भाविक किरकोळ जखमी
