शिर्डी : साई दर्शनासाठी दरवर्षी अडीच कोटीहून अधिक भाविक साईदरबारी हजेरी लावतात. दिवाळी व सुट्टयांमध्ये विक्रमी गर्दी असते. यंदा दिवाळीत २० ऑक्टोंबर ते ५ नोव्हेंबर या पंधरा दिवसांच्या काळात भाविकांची मोठी गर्दी झाली होती. या पंधरा दिवसात भाविकांनी १७ कोटी ७७ लाख ५३ हजारांचे दान साईबाबांना अर्पण केल्याची माहिती संस्थानच्या मुख्य कार्यकारी अधिकारी भाग्यश्री बानायत यांनी दिली. ( Donation offering to Sai Baba temple )
अनंत अंबानींनी केले साईबाबांच्या चरणी दान : शिर्डी साईबाबांचे परमभक्त असलेले अंबानी कुटुंबीय नेहमी साईबाबांच्या चरणी मोठे दान देत (Saibaba Sansthan Shirdi) असतात. दिपावली निमित्ताने अनंत अंबानी यांनी शिर्डीत येत साईबाबांच्या समाधीचे दर्शन घेतले आहे. यावेळी त्यांनी साईबाबांची शिर्डी माझे पंढरपूर ही छोटी आरती करत पाद्य पूजा केली. यावेळी अनंत अंबानी यांनी साईबाबा संस्थानला 1 कोटी 51 लाख रुपायांची देणगी दिली, असल्याची माहिती साई संस्थांच्या मुख्य कार्यकारी अधिकारी भाग्याश्री बानायत यांनी दिली (Anant Ambani Donation to Saibaba Sansthan) आहे.
दानाचा तपशील
| दक्षिणा पेटी | ३ कोटी ११ लाख ७९ हजार |
| देणगी काउंटर | ७ कोटी ५४ लाख ४५ हजार |
| ऑनलाइन देणगी | १ कोटी ४५ लाख ४२ हजार |
| चेक, डीडी देणगी | ३ कोटी ३ लाख ५५ हजार |
| मनीआर्डर | ७ लाख २८ हजार |
| डेबिट क्रेडिट कार्ड देणगी | १ कोटी ८४ लाख २२ हजार |
| सोने | ३९ लाख ५३ हजाऱ |
| चांदी | किमंत ५ लाख ४५ हजाऱ |
| परकीय चलन | २४ लाख ८० हजार |
