अहमदनगर : शहरातील विविध ठिकाणावरून सायकली चोरी करणाऱ्या अट्टल चोराला कोतवाली पोलिसांनी जेरबंद केले आहे. चोरीला गेलेल्या ५५ हजार रुपये किंमतीच्या ११ सायकली कोतवाली पोलिसांनी जप्त केल्या आहेत. दिनेश शेषराव व्यवहारे (वय ५० वर्षे) या आरोपीवर गुन्हा दाखल करण्यात आला आहे. टेलर काम करणाऱ्या अजय काजी मोरे यांची सायकल सांगळे गल्ली येथून १२ तारखेला चोरीला गेली होती. कोतवाली पोलीस ठाण्यात चोरीचा गुन्हा दाखल करण्यात आला होता.
११ सायकली चोरल्याची दिली कबुली : या गुन्ह्याचा तपास सुरू असताना कोतवाली पोलिसांना माहिती मिळाली की, शहरातील विविध ठिकाणावरून दिनेश व्यवहारे याने सायकली चोरी असून, तो सायकल विक्री करण्याकरिता गाडगीळ पटांगणात येणार आहे. या माहितीच्या आधारे, कोतवाली पोलिसांनी आरोपीला पकडण्यासाठी गाडगीळ पटांगण परिसरात सापळा लावला होता. आरोपी दिनेश व्यवहारे चोरीची सायकल विक्री करण्यासाठी आला असता त्याला कोतवाली पोलिसांनी पकडले. आरोपीची कसून चौकशी केली असता शहरातील विविध ठिकाणांवरून ११ सायकली चोरल्याची कबुली त्याने दिली. गुन्ह्याचा अधिक तपास पोलीस निरीक्षक चंद्रशेखर यादव यांच्या मार्गदर्शनाखाली मुकुंद दुधाळ करत आहेत.
सायकली घेऊन जाण्याचे केले आवाहन : शहरातून समर्थ शाळा सांगळे गल्ली, गाडगीळ पटांगण, प्राची कोचिंग क्लासेस दातरंगे मळा, बागराज हडको नालेगाव व परिसरातून सायकल चोरी केल्या असल्याचे आरोपीने ठिकाणे दाखविली आहेत. काही सायकलवरील नाव आणि रंग बदलण्याचे आढळून आले आहे. ज्या नागरिकांच्या सायकली चोरीला गेल्या त्यांनी कोतवाली पोलिसांसोबत संपर्क करून आणि सायकलीची ओळख पटवून सायकल घेऊन जाण्याचे आवाहन, पोलीस निरीक्षक चंद्रशेखर यादव यांनी केले आहे. पोलीस नाईक कैलास शिरसाठ (९८२२८७८३६४) मुकुंद दुधाळ (९५२७३५०७१५) आणि सागर मिसाळ (८३२९६१४४४१) यांच्याशी संपर्क करून सायकली घेऊन जाण्याचे सांगण्यात आले आहे.
हेही वाचा -
- Bicycles And Two Wheelers Theft महागड्या सायकली आणि दुचाक्या चोरून विकायचे, पोलिसांनी ठोकल्या बेड्या
- Bicycle thieves arrested in Pune : सायकली चौरायचे अन् त्या पैशातून गावाला विमानाने जायचे; स्वारगेट पोलिसांकडून दोघांना अटक
- Nashik Crime : विद्यार्थ्यांच्या महागड्या सायकली चोरणारा चोरटा अटकेत; 20 महागड्या सायकली जप्त
