अहमदनगर - आशा सेविकांनी मंगळवारी एकत्र येत जिल्हापरिषद कार्यालयासमोर विविध मागण्यांसाठी आंदोलन केले. यात मानधनवाढीची प्रमुख मागणी होती. 'आम्ही मागतो कष्टाचं नाही कुणाच्या बापाचं', 'दहा हजार रुपये मानधन मिळालेच पाहिजे' अशा घोषणा देत यावेळी संपूर्ण जिल्हापरिषद कार्यालय आशा सेविकांनी दणाणून सोडले. हे आंदोलन भारतीय कम्युनिस्ट पक्षाच्या नेतृत्वाखाली करण्यात आले.
हेही वाचा - जळगाव घरकुल घोटाळ्याचे तपास अधिकारी सिंधू यांचे अण्णांकडून अभिनंदन
ग्रामीण भागातील आरोग्यसेवेत मोठी भूमिका बजावणाऱ्या आरोग्यसेविकेंच्या मागण्यांकडे सरकारचे दुर्लक्ष होत असल्याची भावना राज्यभरात आहे. मानधन वाढीचा प्रश्न गेले अनेक महिने रेंगाळत असून संप आणि आंदोलन झाल्यानंतर सरकार आश्वासन देण्यापलीकडे काहीच करत नसल्याचे आंदोलनकर्त्या सेविका म्हणत होत्या. त्यामुळे यापुढे आश्वासन नको तर निर्णय हवा अशी मागणी सेविकांनी केली.
हेही वाचा - चुनाभट्टी बलात्कार प्रकरणी राष्ट्रवादीचा पोलीस ठाण्यावर मोर्चा
जिल्ह्यातील अनेक तालुके हे दुर्गम आणि काही आदिवासी भागातील आहेत. अशा ठिकाणी आरोग्यसेवा देण्यासाठी मोठी मेहनत घ्यावी लागते. त्यातच सरकारच्या वेगवेगळे सर्व्हे आणि आरोग्य विभागाच्या योजना लोकांपर्यंत पोहचवाव्या लागतात. एवढे करूनही सरकार आमची कुचेष्टा करत असल्याचे या आशा सेविकांचे म्हणणे आहे. सरकार आमच्या अनेक प्रलंबित मागण्यांकडे दुर्लक्ष करत आहे, यात मानधनवाढीचा प्रश्न महत्वाचा आहे. शासनाने मानधनवाढीबाबत आचारसंहिता लागू होण्यापूर्वीच निर्णय घेऊन आदेश काढावा. अशी मागणी यावेळी करण्यात आली. मागणी मान्य केली नाही तर तीव्र आंदोलनाचा ईशारा त्यांनी दिला.
हेही वाचा - आरोग्य सेविकांना करावी लागणार प्रतीक्षा.. न्यायालयाच्या निर्णयानंतरच पालिका कर्मचाऱ्यांचा दर्जा
