नवी दिल्ली - भारताचा संघ फिफा विश्वचषक 2022 (fifa world cup 2022) मध्ये खेळणार नसला तरी या विश्वचषकात एक भारतीय दिसणार आहे. तो फुटबॉल खेळाडू नसून वेलनेस कोच आहे. केरळचे रहिवासी असलेले विनय मेनन (Vinay Menon) यांची बेल्जियमने वेलनेस कोच म्हणून नियुक्ती केली आहे. (Belgium wellness coach in fifa world cup). ते फिफा विश्वचषकादरम्यान संघातील खेळाडूंच्या शारीरिक आणि मानसिक आरोग्यावर भर देणार आहे. बेल्जियम संघात सामील झाल्याबद्दल मेनन म्हणाले, 'विश्वचषक स्पर्धेत मी भारताचे प्रतिनिधित्व करणार आहे, ही माझ्यासाठी अभिमानाची बाब आहे.
चेल्सी फुटबॉल क्लबमध्ये देखील काम केले - 48 वर्षीय मेननने यापूर्वी चेल्सी फुटबॉल क्लबमध्ये देखील काम केले आहे. हा क्लब युरोपमधील शीर्ष क्लबपैकी एक आहे. 2011-12 आणि 2020-21 हंगामात UEFA चॅम्पियन्स लीग जिंकणाऱ्या चेल्सी संघातील खेळाडूंना शारीरिक आणि मानसिकदृष्ट्या मजबूत करण्यात त्यांनी महत्त्वाची भूमिका बजावली आहे. त्यांनी पॉंडिचेरी विद्यापीठातून शारीरिक शिक्षणात एमफिल केली असून ते केरळमधील एर्नाकुलमजवळील चेराई गावचे रहिवासी आहेत.
भारतीय संघासोबत काम करण्याची इच्छा - दुबईला पंचतारांकित रिसॉर्टमध्ये प्रशिक्षक म्हणून जाण्यापूर्वी त्यांनी कैवल्यधाम संस्थान पुणे येथे योगशास्त्राचा अभ्यास केला आहे. ते अजूनही चेल्सी फुटबॉल क्लबमध्ये आहेत मात्र सध्या बेल्जियम संघासोबत काम करत आहेत. मेनन म्हणाले, "जर 11 दशलक्ष लोकसंख्या असलेला बेल्जियम विश्वचषकात प्रवेश करू शकतो, तर 130 दशलक्ष लोकसंख्येचा भारतही असे का करू शकत नाही." माझा विश्वास आहे की भारत 2030 पर्यंत विश्वचषक खेळू शकतो आणि जर तो झाला तर मला माझे कौशल्य राष्ट्रीय संघाला द्यायला आवडेल.
भारतासाठी अभिमानाचा क्षण - एआयएफएफचे सरचिटणीस डॉ. शाजी प्रभाकरन म्हणाले, “एक भारतीय बेल्जियमच्या राष्ट्रीय संघात वेलनेस कोच म्हणून सामील होत असल्याने भारतासाठी हा अतिशय अभिमानाचा क्षण आहे. वेलनेस कोच असणे म्हणजे संघाचे मानसिक रणनीतीकार असणे. तो खेळाडूंच्या मनावर नियंत्रण ठेवतो ज्यामुळे कामगिरीचे मोजमाप होण्यास मदत होते. तसेच खेळाडूंसमोरचे ध्येये निश्चित होण्यास देखील मदत होते.
