टोकियो - भारताची युवा गोल्फपटू अदिती अशोकला ऑलिम्पिकमध्ये इतिहास रचण्यात अपयश आलं. ती महिला वैयक्तिक स्ट्रोक प्ले मध्ये चौथ्या स्थानावर राहिली. अदिती शुक्रवारी तिसऱ्या फेरीत दुसऱ्या स्थानावर होती. यामुळे ती आज चौथ्या फेरीत पदकाची दावेदार म्हणून पुढे आली होती. पण तिला आज आपल्या कामगिरीत सातत्य राखता आलं नाही. यामुळे तिचे पदकाचे स्वप्न भंगले.
स्ट्रोक्स प्लेमध्ये अमेरिकेची नेली कोर्डा हिने सुवर्ण पदक जिंकलं. तर रौप्य आणि कास्य पदकासाठी जपानची मोनी इनामी आणि न्यूझीलंडच्या लेडिया यांच्यात सामना होईल.
तीन फेरीत अदितीची कामगिरी उल्लेखणीय होती. तिने तिसऱ्या फेरी अखेर दुसरे स्थान पटकावले होते. पण आज तिला ही कामगिरी कायम ठेवता आली नाही. ती चौथ्या स्थानी घसरली. जपान आणि न्यूझीलंडच्या गोल्फरनी त्याला मागे टाकलं.
तीन फेरीत अदिती दुसऱ्या स्थानावर
23 वर्षीय अदिती अशोकने गुरूवारी दुसऱ्या फेरीत शानदार कामगिरी केली. तिने 5 बर्डी लगावत 66 चा कार्ड खेळला. पण ती जगातील एक नंबर गोल्फर नेली कोर्डाला मागे टाकू शकली नाही. नेला कोर्डा दुसऱ्या फेरीत 62 च्या जबरदस्त कार्ड खेळत पहिल्या स्थान काबीज केलं. दोन फेरीनंतर तिचा एकूण स्कोर 13 अंडर 129 होता. तर अदितीचा 133 असा होता.
शुक्रवारी तिसऱ्या फेरीत कोर्डाने 69 कार्ड खेळत अव्वल स्थान राखलं. अदिती तिसऱ्या फेरीत 68 कार्डसह दुसऱ्या स्थानावर कायम राहिली. अदितीने शुक्रवारी जबरदस्त खेळ केला. तिला खराब हवामानामुळे अनेक अडचणींना समोरे जावे लागले. तरी देखील तिने तीन होल्स मध्ये तीन बर्डी लगावले.
बर्डी हा काय आहे प्रकार...
प्रत्येक होलसाठी गोल्फरला स्ट्रोक घेण्यासाठी एक संख्या निर्धारित केली जाते. ती तीन, चार किंवा पाच असू शकते. खेळाडूंना त्या स्ट्रोक्स संख्येमध्ये चेंडूला होलमध्ये न्यावं लागतं. जर यात खेळाडूने एक स्ट्रोक कमी घेत असे केलं तर त्याला बर्डी म्हटलं जातं. तर दोन स्ट्रोक कमी घेत असे केलं तर त्याला ईगल असे म्हणतात.
हेही वाचा - Tokyo Olympics : नीरज चोप्रा संपवणार भारताचा 121 वर्षांचा पदकाचा दुष्काळ?
हेही वाचा - Tokyo Olympics : भारत आणि पाकिस्तान सुवर्ण पदकासाठी आमने-सामने, आज होणार महामुकाबला
