Hockey World Cup 2023 : हॉकी विश्वचषकाच्या १४ व्या आवृत्तीत किती गोल झालेत, ते जाणून घेऊया

हॉकी विश्वचषक 2023 मध्ये 22 जानेवारीपासून क्रॉसओव्हर सामने सुरू होतील. जागतिक क्रमवारीत 9व्या क्रमांकावर असलेल्या मलेशियाचा सामना 8व्या क्रमांकाच्या स्पेनशी आणि भारताचा सामना न्यूझीलंडशी होणार आहे.

नवी दिल्ली : हॉकी विश्वचषक 2023 चा उत्साह चाहत्यांमध्ये कायम आहे. साखळी सामने संपल्यानंतर आता क्रॉसओव्हर सामने सुरू होतील. विश्वचषकात सहभागी संघ प्रत्येक गोलचा मारा करत आहेत. वर्ल्ड कपमध्ये आतापर्यंत 24 सामने खेळले गेले आहेत. या सामन्यांमध्ये एकूण 130 गोल झाले. त्यापैकी काही मैदानी गोल आहेत. त्याचबरोबर 43 पेनल्टी कॉर्नरवर गोल करण्यात आले आहेत. या काळात सात पेनल्टी स्ट्रोक गोलही झाले आहेत. नेदरलँड्सने आतापर्यंत सर्वाधिक 22 गोल केले आहेत. तेव्हा आजपर्यंतच्या विश्वचषकाच्या सामन्यांमध्ये किती गोल झाले ते जाणून घेऊया.

14 विश्वचषक सामन्यांमध्ये केलेले गोल : हॉकी विश्वचषकात आतापर्यंत ६०५ सामने झाले आहेत. त्यात २६ संघांनी आजपर्यंत सहभाग घेतला आहे. वर्ल्ड कपच्या 14 सामन्यांमध्ये आतापर्यंत एकूण 2433 गोल झाले आहेत. विश्वचषकादरम्यान प्रत्येक सामन्यात सरासरी चार गोल झाले आहेत. पहिला विश्वचषक 1971 साली झाला आणि पहिल्यांदाच पाकिस्तान चॅम्पियन झाला. वर्ल्ड कपमध्ये सर्वाधिक गोल करण्याचा विक्रम पाकिस्तानच्या नावावर आहे. 1982 मध्ये भारतात झालेल्या विश्वचषकात पाकिस्तानने 38 गोल केले होते.

पाकिस्तान सर्वाधिक चारवेळा चॅम्पियन : पाकिस्तान सर्वाधिक वेळा (1971, 1978, 1981, 1994) विश्वविजेता ठरला आहे. तर नेदरलँड्स (1973, 1990, 1998) आणि ऑस्ट्रेलिया (1986, 2010, 2014) 3-3 वेळा चॅम्पियन ठरले आहेत. तर जर्मनी दोनवेळा, भारत आणि बेल्जियम 1-1 वेळा चॅम्पियन बनले आहेत. भारतात चौथ्यांदा हॉकी विश्वचषकाचे आयोजन करण्यात आले आहे. भारत, ऑस्ट्रेलिया, नेदरलँड या संघांना यावेळी विश्वचषकाचे दावेदार मानले जात आहे. त्याचवेळी, गतविजेता देखील त्याच्या पूलमध्ये अव्वल स्थानावर आहे.

20 जानेवारी रोजी खेळले गेलेले सामने : हॉकी विश्वचषकात 20 जानेवारी शुक्रवार रोजी पूल अ आणि पूल ब संघांमध्ये सामने पार पडले. पहिला सामना ऑस्ट्रेलिया आणि दक्षिण आफ्रिका यांच्यात पार पडला. तर दुसरा सामना फ्रान्स आणि अर्जेंटिना यांच्यात कलिंगा स्टेडियम भुवनेश्वर येथे पार पडला. बेल्जियम आणि जपान यांच्यातील तिसरा सामना राउरकेला येथील बिरसा मुंडा स्टेडियमवर पार पडला. तर दिवसाचा शेवटचा सामना दक्षिण कोरिया आणि जर्मनी यांच्यात संध्याकाळी 7 वाजता बिरसा मुंडा स्टेडियमवर पार पडला.

कसे असणार पुढील सामने : हॉकी विश्वचषक 2023 मध्ये 22 जानेवारीपासून क्रॉसओव्हर सामने सुरू होतील. जागतिक क्रमवारीत 9व्या क्रमांकावर असलेल्या मलेशियाचा सामना 8व्या क्रमांकाच्या स्पेनशी आणि भारताचा सामना न्यूझीलंडशी होणार आहे.