ऑकलंड - न्यूझीलंड दौऱ्यावर असलेल्या भारतीय महिला हॉकी संघाला पराभवाला सामोरे जावे लागले. आज (बुधवार) झालेल्या सामन्यात न्यूझीलंडने भारताला १-० ने धूळ चारली. सामन्यात एकमात्र गोल ३७ व्या मिनिटाला न्यूझीलंडच्या होप राल्फ हिने केला.
याआधी झालेल्या सामन्यात भारताने न्यूझीलंडच्या डेव्हलपमेंट संघाला ४-० ने धूळ चारली होती. मात्र, आज भारताला १-० ने पराभूत व्हावे लागले.
भारतीय संघाने आक्रमक सुरूवात केली. सामन्याच्या दुसऱ्या मिनिटाला पेनल्टी मिळाला. मात्र, यावर गोल करण्यात भारतीय खेळाडूंना अपयश आले. यानंतर संपूर्ण सामन्यात न्यूझीलंडचे वर्चस्व राहिले.
भारतीय महिला हॉकी संघाचा पुढील सामना ४ फेब्रुवारीला इंग्लंडशी होणार आहे.
हेही वाचा - भारतीय हॉकी संघाची डिफेंडर सुनिता लाकडाची निवृत्ती
हेही वाचा - हॉकी : नेदरलँड, कॅनडा संघ टोकियो ऑलंम्पिकसाठी पात्र
