नवी दिल्ली: हॉकी इंडियाने हॉकी वर्ल्ड कप 2023 साठी 18 सदस्यीय संघाची घोषणा केली आहे. (Hockey World Cup 2023) ओडिशा येथे होणाऱ्या आगामी FIH हॉकी विश्वचषक 2023 मध्ये बचावपटू हरमनप्रीत सिंगला संघाचा कर्णधार बनवण्यात आले आहे. (Hockey India) त्याचबरोबर अमित रोहिदास उपकर्णधार असेल. 16 संघांची ही स्पर्धा पुढील वर्षी 13 जानेवारीपासून सुरू होणार असून अंतिम सामना 29 जानेवारीला होणार आहे. (FIH Hockey World Cup) याचे आयोजन ओडिशातील राउरकेला आणि भुवनेश्वर या दोन शहरांमध्ये केले जाईल.
गोलकीपर पीआर श्रीजेश चौथ्यांदा विश्वचषकात भारताकडून खेळणार आहे. मैदानावर हा तिसरा विश्वचषक असणार आहे. बेंगळुरू येथील SAI केंद्रात दोन दिवसीय निवड चाचणीद्वारे संघ निवडण्यासाठी 33 खेळाडूंचा कोर-गट एकत्र करण्यात आला. सहाव्या क्रमांकावर असलेल्या भारताला इंग्लंड, स्पेन आणि वेल्ससह पूल डी मध्ये स्थान देण्यात आले आहे.
13 जानेवारीला राउरकेला येथील बिरसा मुंडा हॉकी स्टेडियमवर स्पेनविरुद्धच्या लढतीला सुरुवात करतील. भारत 47 वर्षांपासून विश्वचषकाची वाट पाहत आहे. भारताने 1975 मध्ये एकमेव विश्वचषक जिंकला. विवेक सागर प्रसाद संघात परतले आहेत. घोट्याच्या दुखापतीमुळे विवेक नुकत्याच झालेल्या ऑस्ट्रेलिया दौऱ्यात तसेच प्रो लीगमध्ये खेळू शकला नव्हता. अनुभवी स्ट्रायकर आकाशदीप सिंगच्या चांगल्या फॉर्ममुळे त्याला फॉरवर्ड लाइनमध्ये स्थान मिळाले.
अभिषेक आणि सुखजीत डेब्यू करणार: अभिषेक आणि सुखजीत सिंग विश्वचषकात पदार्पण करणार आहेत. राजकुमार पाल आणि ड्रॅग-फ्लिकर जुगराज सिंग हे दोन पर्यायी खेळाडू आहेत, जे स्टँडबायवर असणार आहेत. प्रशिक्षक ग्रॅहम रीड म्हणाले की, 'आम्ही विश्वचषकासाठी एक चांगला संघ निवडला आहे, जो देशासाठी पदक जिंकू शकणार आहे. आम्ही आमच्या भारतीय विश्वचषक संघ निवडीसोबत अनुभवी आणि तरुण खेळाडूंचे मिश्रण करण्याचा प्रयत्न केला आहे. रीड म्हणाला, 'आम्ही गेल्या २ महिन्यांत चांगली तयारी केली आहे, ज्यात देशांतर्गत प्रो लीग मालिका आणि जगातील नंबर 1 संघ असलेल्या ऑस्ट्रेलियाविरुद्धच्या ५ सामन्यांच्या मालिकेचा समावेश आहे.
भारताचा राहणार असा संघ
गोलरक्षक: कृष्ण बहादूर पाठक, पीआर श्रीजेश
बचावपटू: जर्मनप्रीत सिंग, सुरेंदर कुमार, हरमनप्रीत सिंग (कर्णधार), वरुण कुमार, अमित रोहिदास (उपकर्णधार), नीलम संजीप झेस
मिडफिल्डर: मनप्रीत सिंग, हार्दिक सिंग, नीलकांत शर्मा, समशेर सिंग, विवेक सागर प्रसाद, आकाशदीप सिंग
फॉरवर्डः मनदीप सिंग, ललित कुमार उपाध्याय, अभिषेक, सुखजित सिंग
पर्यायी खेळाडू: राजकुमार पाल, जुगराज सिंग
बेंगळुरू येथील एसएआय सेंटरमध्ये दोन दिवसांच्या चाचणीनंतर टीम इंडियाची घोषणा करण्यात आली. या चाचणीत 33 खेळाडूंची चाचणी घेण्यात आली. भारतीय संघाच्या या संघात युवा आणि अनुभवी खेळाडूंचे उत्तम मिश्रण आहे. अशा स्थितीत यावेळी टीम इंडियाला होत असलेल्या या विश्वचषकावर कब्जा करण्याची पूर्ण आशा आहे. 13 जानेवारीपासून हॉकी विश्वचषक सुरू होत आहे. त्याचबरोबर या विश्वचषकात एकूण 16 संघ विजेतेपदासाठी एकमेकांशी भिडताना दिसणार आहेत.
