चेन्नई: भारताचा वंडर बॉय रमेशबाबू प्रज्ञानानंदने पुन्हा एकदा डच ग्रँडमास्टर अनिश गिरीचा पराभव केला आहे. त्याचबरोबर 1.6 दशलक्ष डॉलर्सच्या चॅम्पियन्स बुद्धिबळ टूरच्या चौथ्या टप्प्यातील चेसबल मास्टर्सच्या अंतिम फेरीत प्रवेश ( Pragyanand Reach final ) केला आहे.
चेन्नईच्या 16 वर्षीय ग्रँड मास्टरने आपले सर्व कौशल्य दाखवले. त्याने सुपर स्ट्राँग डच नंबर 1 गिरीचा पराभव केला. तसेच तो अंतिम फेरीत जागतिक क्रमवारीत 2 व्या क्रमांकावर असलेल्या चीनच्या डिंग लिरेन याच्याशी खेळेल, ज्याने दुसऱ्या उपांत्य फेरीत जागतिक क्रमवारीत 1 क्रमांकावर असलेल्या मॅग्नस कार्लसनचा पराभव केला. सर्वोत्कृष्ट-चार गेमच्या उपांत्य फेरीच्या दुसऱ्या गेममध्ये प्रज्ञानानंदने ( Rameshbabu Pragyanand ) चेकमेटसह आघाडी घेतली. पण दोन बरोबरीनंतर नेपाळी वंशाच्या डच गिरीने चौथ्या गेममध्ये विजय मिळवत 2-2 अशी बरोबरी साधली.
मात्र, पहिल्या टायब्रेक गेममध्ये त्याच्याकडून चूक झाली आणि प्रज्ञानानंदने त्याचा फायदा घेत 2-2, 1.5-0.5 असा विजय मिळवला. या विजयासह प्रज्ञानानंदने यावर्षी नोव्हेंबरमध्ये खेळल्या जाणाऱ्या चॅम्पियन्स बुद्धिबळ टूरच्या ( Champions Chess Tour ) हंगामाच्या अंतिम फेरीतही आपले स्थान निश्चित केले आहे. विशेष म्हणजे शालेय विद्यार्थी प्रज्ञानानंदला बुधवारी 11वीच्या परीक्षेला बसायचे आहे.
प्ले मॅग्नस ग्रुपच्या आयोजकांनी त्याच्या वतीने सांगितले की, त्याला सकाळी 8:45 च्या सुमारास शाळेत जायचे आहे आणि आता 2 वाजले आहेत आणि नंतर परीक्षेसाठी काही तासांच्या विश्रांतीनंतर, तो त्याच्या संगणकावर डिंग लिरेन सोबतच्या अंतिम सामन्यासाठी परत येईल.
