माद्रिद - स्पॅनिश फुटबॉल लीगच्या नव्या हंगामाला या आठवड्याच्या अखेरीस सुरूवात होणार आहे. यंदाचा हा 17वा हंगाम आहे. पण या हंगामात महान खेळाडू लिओनेल मेस्सी या लीगचा भाग नसणार आहे.
मेस्सी स्पॅनिश लीगमध्ये सर्वाधिक गोल करणारा खेळाडू आहे. 2004 नंतर प्रथमच बार्सिलोनाचा संघ पहिल्यांदा मेस्सी शिवाय मैदानात उतरणार आहे. कारण आर्थिक अडचणीमुळे बार्सिलोनाने मेस्सीसोबतचा करार कायम ठेवलेला नाही.
मेस्सी जेव्हा पहिल्यांदा या लीगचा भाग नव्हता, तेव्हा डिएगो सिमियोन, झिनोदीन झिदान आणि लुई एनरिके हे प्रशिक्षक म्हणून नव्हे तर खेळाडू म्हणून खेळत होते. त्यावेळी माद्रिदचा फारवर्ड विनिसियनस ज्यूनियर आणि एटलेटिको माद्रिदचा फॉरवर्ड जोओ फेलिक्स हे केवळ चार वर्षांचे होते.
बार्सिलोनाचा माजी खेळाडू नेमार युवा अवस्थेत प्रवेश करत होता. त्याने ब्राझील क्लब सांतोसच्या युवा संघासाठी आपला पहिला करार केला होता. रियल माद्रिदच्या किलियन एम्बाप्पे त्यावेळी पाच वर्षांचा होता. त्यावेळी कोणालाही कल्पना नव्हती हा खेळाडू फुटबॉल विश्वात जगभरात प्रसिद्ध होईल.
मेस्सीच्या डेब्यू आधी बार्सिलोना क्बलने दोन वेळा या लीगचे विजेतेपद पटकावले होते. 17 हंगामात बार्सिलोना 10 वेळा विजेता ठरला आहे. या दरम्यान, मेस्सीने 8 हंगामात सर्वाधिक गोल केले आहेत. हा एक विक्रम आहे. त्याने लीगच्या 520 सामन्यात 474 गोल केले आहेत.
अर्जेंटिनाचा महान फुटबॉलपटू लिओनेल मेस्सीने मागील महिन्यात पत्रकार परिषदेत बोलताना बार्सिलोना क्बलसोबतचा आपला प्रवास संपल्याचे सांगितलं होतं. यावेळी तो भावूक झाला होता.
हेही वाचा - फुटबॉलपटू लिओनल मेस्सीने बार्सिलोना सोडल्यानंतर 'या' क्लबशी केला करार
हेही वाचा - Eng vs Ind: भारताविरुद्धच्या दुसऱ्या कसोटी सामन्यात इंग्लंड संघात मोईन अलीची वापसी
