नवी दिल्ली: भारताचा माजी अष्टपैलू खेळाडू युवराज सिंगने ( Former all-rounder Yuvraj Singh ) यष्टीरक्षक-फलंदाज ऋषभ पंतला ( Wicketkeeper-batsman Rishabh Pant ) भविष्यातील कसोटी कर्णधार म्हणून तयार करावे, असे आवाहन राष्ट्रीय निवडकर्त्यांना केले आहे. 24 वर्षीय खेळाडूने अलिकडच्या वर्षांत आपल्या खेळात खूप सुधारणा केली आहे. 2018 मध्ये पदार्पण केल्यापासूनच पंत कसोटी संघातील अविभाज्य सदस्यांपैकी एक आहे. त्याने 30 सामन्यांमध्ये 40.85 च्या सरासरीने 1,920 धावा केल्या, ज्यात त्याच्या नावावर चार शतके आणि नऊ अर्धशतकांचा समावेश आहे. विकेटकीपिंगमध्ये पंतने 107 झेल आणि 11 स्टंपिंग केले आहेत.
सध्या, पंत 2021 मध्ये फ्रँचायझीचे कर्णधारपद स्वीकारल्यानंतर आयपीएलच्या 2022 हंगामात दिल्ली कॅपिटल्सचे नेतृत्व करत आहे. 20 वर्षीय पंत यांनी प्रथम श्रेणी क्रिकेटमध्ये कर्णधार म्हणून 2017/18 रणजी ट्रॉफीमध्ये उपविजेतेपदासाठी दिल्लीचे नेतृत्व केले. युवराज म्हणाला, तुम्ही एखाद्याला कर्णधार म्हणून तयार करा. जसे एमएस धोनी कर्णधार झाला. विकेटकीपर नेहमीच चांगला विचारक असतो, कारण तो गोष्टी जवळून पाहतो.
भारतासाठी 40 कसोटी सामने खेळलेला युवराज पुढे म्हणाला, तुम्ही तरुण पंतची निवड करा जो भविष्याचा कर्णधार होऊ शकेल. त्यांना वेळ द्या आणि पहिल्या सहा महिन्यांत किंवा वर्षभरात परिणामांची अपेक्षा करू नका. चांगले काम करण्यासाठी तुम्ही तरुणांवर विश्वास ठेवावा असे मला वाटते. 2007 टी-20 विश्वचषक आणि 2011 क्रिकेट विश्वचषक स्पर्धेत भारताच्या विजयी संघाचा सदस्य असलेल्या युवराज सिंगने पंतच्या परिपक्वतेच्या अभावावर प्रश्नचिन्ह उपस्थित करणाऱ्या टीकाकारांनाही उत्तर दिले.
