हैदराबाद: पाकिस्तानचा माजी क्रिकेटर दानिश कनेरियाने ( Former Pakistan cricketer Danish Kaneria ) शाहिद आफ्रिदीला चोख प्रत्युत्तर दिले आहे. कनेरिया म्हणाला, भारत आपला शत्रू नाही. उलट ते त्याचे शत्रू आहेत, जे लोकांना धर्माच्या आधारे भडकावतात. कनेरिया आफ्रिदीला म्हणाला, जर तुम्ही भारताला तुमचा शत्रू मानत असाल तर कधीही भारतीय मीडियामध्ये जाऊन कोणतेही वक्तव्य करू नका. खरं तर, दानिश कनेरिया शत्रू देशांमध्ये जाऊन त्यांच्या विरोधात अशा प्रकारचे वक्तव्य करतो, ज्यामुळे धार्मिक भावना भडकावल्याचं आफ्रिदीने म्हटलं होतं. त्याला प्रत्युत्तर देताना कनेरियाने हे वक्तव्य केले आहे.
कनेरियाने आफ्रिदीच्या वक्तव्याशी संबंधित एक बातमी ट्विट ( Kaneria tweet related to Afridi statement ) करत लिहिले, भारत आमचा शत्रू नाही. धर्माच्या नावाखाली लोकांच्या भावना भडकावणारे आमचे शत्रू आहेत. जर तुम्ही भारताला आपला शत्रू मानत असाल, तर कोणत्याही भारतीय मीडिया चॅनलवर कधीही जाऊ नका. यानंतर स्वत:च्या ट्विटवर कमेंट करताना दानिश कनेरियाने लिहिले की, जेव्हा त्याने जबरदस्तीने धर्मांतराच्या विरोधात आवाज उठवला, तेव्हा त्याची कारकीर्द संपुष्टात येईल, अशी धमकी देण्यात आली.
-
When I raised my voice against forced conversion, I was threatened that my career would be destroyed.
— Danish Kaneria (@DanishKaneria61) May 9, 2022 " class="align-text-top noRightClick twitterSection" data="
">When I raised my voice against forced conversion, I was threatened that my career would be destroyed.
— Danish Kaneria (@DanishKaneria61) May 9, 2022When I raised my voice against forced conversion, I was threatened that my career would be destroyed.
— Danish Kaneria (@DanishKaneria61) May 9, 2022
काय आहे प्रकरण - दानिश कनेरियाने भारतीय प्रसारमाध्यमांशी संवाद साधताना शाहीद आफ्रिदीने हिंदू असल्यामुळे आपल्यासोबत गैरवर्तन केल्याचे सांगितले होते. त्याचवेळी त्याच्यावर इस्लाम धर्म स्वीकारण्यासाठी दबाव टाकण्यात आला होता. याला प्रत्युत्तर देताना शाहिद आफ्रिदीने ( Former cricketer Shahid Afridi ) पाकिस्तान मीडियाशी संवाद साधताना सांगितले की, तो स्वत: त्यावेळी इस्लामला पूर्णपणे समजून घेण्याचा प्रयत्न करत होता. या सर्व गोष्टी सांगण्यापूर्वी त्याच्यासारख्या व्यक्तीने त्याच्या चारित्र्याकडे लक्ष दिले पाहिजे. स्पॉट फिक्सिंग करून देशाचे नाव बदनाम केले. आता पैसा आणि लोकप्रियतेच्या हव्यासापोटी तो माझ्यावर गंभीर आरोप करत आहेत.
एवढंच नाही तर आफ्रिदी पुढे म्हणाला, कनेरिया त्याच्या लहान भावासारखा होता आणि अनेक वर्ष त्याच्यासोबत खेळला. 15-20 वर्षांनंतर कनेरिया त्यांच्यावर असे आरोप का करत आहेत? त्याच्या व्यक्तिरेखेबद्दल सर्वांनाच माहिती आहे. जर त्याला माझ्या वागण्यात काही अडचण आली असेल तर त्यांनी त्यावेळी पाकिस्तान क्रिकेट बोर्डाला का सांगितले नाही. यानंतर आफ्रिदी म्हणाला होता की, तो आमच्या शत्रू देशांना मुलाखती देत असून धार्मिक भावना भडकावू शकतो.
दानिश कनेरियाने पाकिस्तानसाठी 61 कसोटी सामने खेळले असून त्यात 261 विकेट्स त्याच्या नावावर आहेत. निवृत्तीनंतर दानिश कनेरियाने अनेकवेळा आरोप केला आहे की, पाकिस्तानी क्रिकेट संघाच्या ड्रेसिंग रुममध्ये हिंदू असल्याने त्याच्याशी गैरवर्तन करण्यात आले आहे.
हेही वाचा - IPL 2022 MI vs KKR : मुंबई इंडियन्सचा नाणेफेक जिंकून प्रथम गोलंदाजीचा निर्णय; केकेआर संघात चार बदल
