मुंबई - सचिन तेंडुलकर आगामी लिजेंड्स लीग क्रिकेटचा (LLC) भाग नसल्याचे SRT स्पोर्ट्स मॅनेजमेंट प्रायव्हेट लिमिटेडने शनिवारी स्पष्ट केले.
एएलसी ही ( Legends League Cricket ) एक निवृत्त खेळाडूंसाठी क्रिकेट लीग आहे. त्यांनी अलीकडेच या लीगसाठी आपला भारतीय संघ जाहीर केला आहे. नुकताच या लीगचा प्रमोशनल व्हीडीयो प्रदर्शित झाला आहे. यात अभिनेता अमिताभ बच्चन आणि सचिन तेंडुलकर देखील या लीगचा एक भाग होणार आहे, असल्याचे दाखवले आहे. मात्र, याला जो SRT स्पोर्ट्सने नाकार दिला आहे.
सचिन LLC मध्ये सहभागी होणार नाही
सचिन तेंडुलकरच्या 'लेजेंड्स लीग क्रिकेट' मध्ये सहभागी झाल्याची बातमी खरी नाही. आयोजकांनी क्रिकेट चाहत्यांची आणि अमिताभ बच्चन यांची दिशाभूल करण्यापासून परावृत्त केले पाहिजे," असे SRT स्पोर्ट्स मॅनेजमेंट प्रा.चे अधिकृत प्रवक्ते म्हणाले.
20 जानेवारीपासून, LLC मध्ये तीन स्टार-पॅक टीम एकमेकांसमोर उभे ठाकतील. द इंडिया महाराजा भारतीय संघाचे प्रतिनिधित्व युवराज सिंग, वीरेंद्र सेहवाग, हरभजन सिंग आणि इरफान आणि युसूफ पठाण बंधू करतील.
आशिया लायन्सचा संघ जाहीर
एलएलसीने यापूर्वी 'आशिया लायन्स' म्हणून आशिया संघाची घोषणा केली होती. ज्यात शोएब अख्तर, शाहिद आफ्रिदी, सनथ जयसूर्या, मुथय्या मुरलीधरन, चामिंडा वास, रोमेश कालुविथरना, तिलकरत्ने दिलशान, अझहर महमूद, उपुल थरंगा, मिसबा-सह माजी पाकिस्तानी आणि श्रीलंकन खेळाडूंचा समावेश आहे. उल-हक, मोहम्मद हाफीज, शोएब मलिक, मोहम्मद युसूफ, उमर गुल आणि असगर अफगाण आहेत.
हेही वाचा - World record performance : दृष्टीहीन सायकलपटूची जनजागृतीसह विश्वविक्रमी कामगिरी
