गांधीनगर ( गुजरात ) : भारताचा कर्णधार रोहित शर्माने माजी मुख्य प्रशिक्षक रवी शास्त्री यांच्या अतिआत्मविश्वासामुळे भारतीय संघ ऑस्ट्रेलियाविरुद्ध इंदूर कसोटी गमावला अशी टिप्पणी मूर्खपणा असल्याचे म्हटले आहे. रवी शास्त्री हे 2014 नंतर 6 वर्षे भारतीय संघाचे मुख्य प्रशिक्षक होते. तिसर्‍या कसोटीत ऑस्ट्रेलियाकडून भारताचा नऊ गडी राखून झालेल्या पराभवावर भाष्य करताना रोहित शर्मा म्हणाला की, लोक म्हणतात भारतीय संघाचा स्वत:वर थोडा जास्त आत्मविश्वास आणि अतिआत्मविश्वास होता. अशी अनेक गोष्टी अनेकांनी गृहीत धरल्या आहेत, हे साफ चुकीचे आहे.
रोहित शर्माचे जोरदार प्रत्यूत्तर : कर्णधार पदाची धूरा सांभाळल्यानंतर रोहितने गेल्या 18 महिन्यात शांतता, संयम आणि संघाचा सन्मान राखला आहे. परंतु तिसऱ्या कसोटी सामन्याबाबत माजी प्रशिक्षकांचे मत विचारले असता, रोहित शर्माने अतिशय जोरदार प्रत्यूत्तर दिले आहे. चौथ्या आणि शेवटच्या कसोटी सामन्याच्या पूर्वसंध्येला रोहित म्हणाला की, खरे सांगायचे तर, जेव्हा तुम्ही दोन सामने जिंकता तेव्हा बाहेरच्या लोकांना वाटते की आम्ही अतिआत्मविश्‍वासी आहोत. हा पूर्ण मूर्खपणा आहे. कारण तुम्हाला चारही सामन्यांमध्ये सर्वोत्तम कामगिरी करायची आहे. त्याचे प्रेशर असते.
ड्रेसिंग रूममधली चर्चा वेगळीच : जेव्हा आपण दोन सामने जिंकल्यावर थांबायत नाही, आणि जितसा सामना जिकंण्याकडे पाहतो, तेही असेच आहे असे रोहित शर्मा म्हणाला. हे सर्व लोक जेव्हा अतिआत्मविश्वासाबद्दल बोलतात, तेव्हा ड्रेसिंग रूममध्ये कोणत्या प्रकारची चर्चा झाली हे त्यांना माहित नसते. रोहितचे प्रत्युत्तर रवी शास्त्रींना होते, जो अलीकडे संघाचा मुख्य रणनीतीकार होता. भारतीय कर्णधाराने सांगितले की, आम्हाला सर्व सामन्यांमध्ये सर्वोत्तम कामगिरी करायची आहे आणि जर तो अतिआत्मविश्वास किंवा बाहेरच्या व्यक्तीला असे काही वाटत असेल तर आमच्यासाठी काही फरक पडत नाही.रोहित शर्मा म्हणाला की रवी शास्त्री हे स्वतः या ड्रेसिंग रूमचा भाग आहेत. त्यांना माहित आहे की आपण खेळतो तेव्हा आपली मानसिकता कशी असते. हा अतिआत्मविश्वास नसून लोकांच्या निर्दयी असण्याचे चित्र आहे.
हेही वाचा : IND vs AUS : आजपासून चौथा कसोटी सामना , इशानला प्लेइंग-11 मध्ये संधी मिळण्याची शक्यता
