साउथम्पटन - भारत आणि न्यूझीलंड यांच्यात जागतिक कसोटी अजिंक्यपद स्पर्धेचा अंतिम सामना सुरू आहे. आज या सामन्याचा पाचवा दिवस असून पहिल्या सत्रात भारतीय गोलंदाजांनी शिस्तबद्ध मारा करत न्यूझीलंडच्या फलंदाजांवर वर्चस्व मिळवलं आहे. न्यूझीलंडची अवस्था २ बाद १०१ धावांवरून उपाहारापर्यंत ५ बाद १३५ धावा अशी झाली. भारताचा वेगवान गोलंदाज मोहम्मद शमीने न्यूझीलंडचा फलंदाज बीजे वॉटलिंगचा त्रिफाळा उडवला. या क्षणाचा व्हिडिओ सद्या व्हायरल होत आहे.
पाचव्या दिवशी देखील सामन्याला पावसामुळे उशिरा सुरूवात झाली. तेव्हा रॉस टेलर आणि केन विल्यमसन ही जोडी सावध खेळ करत होती. शमीने टेलरला बाद करत भारताला तिसरे यश मिळवून दिले. वैयक्तिक ११ धावांवर टेलरचा झेल हवेत सूर मारत शुबमनने टिपला. त्यानंतर हॅन्री निकोलसला इशांतने रोहितकडे झेल देण्यास भाग पाडलं. दुसरीकडून शमीने बीजे वॉटलिंगच्या दांड्या गुल करत न्यूझीलंडला जबर हादरा दिला. शमीने फेकलेला चेंडू वॉटलिंगला काही कळाच्या आत यष्ट्यावर जाऊन आदळला. दरम्यान, वॉटलिंगचा हा अखेरचा सामना आहे. या सामन्यानंतर तो निवृत्त होणार आहे.
-
This is Peak Shami, absolute peach🔥#WTCFinal21 #INDvsNZ pic.twitter.com/iVzu4MMtoq
— Alee 🇵🇸 (@TheMuhammadAli_) June 22, 2021 " class="align-text-top noRightClick twitterSection" data="
">This is Peak Shami, absolute peach🔥#WTCFinal21 #INDvsNZ pic.twitter.com/iVzu4MMtoq
— Alee 🇵🇸 (@TheMuhammadAli_) June 22, 2021This is Peak Shami, absolute peach🔥#WTCFinal21 #INDvsNZ pic.twitter.com/iVzu4MMtoq
— Alee 🇵🇸 (@TheMuhammadAli_) June 22, 2021
बुमराह चूकीची जर्सी घालून मैदानात उतरला...
जागतिक कसोटी अजिंक्यपद स्पर्धेच्या अंतिम सामन्यातील पाचव्या दिवशी जसप्रीत बुमराह चुकीची जर्सी घालून मैदानात उतरला होता. एक षटक फेकल्यानंतर बुमराहला त्याची चूक कळली. तेव्हा तो पुन्हा ड्रेसिंग रूममध्ये गेला आणि जर्सी बदलून आला. बुमराहने भारतीय संघाची नेहमीची कसोटी क्रिकेटची जर्सी घातली, ज्यात स्पॉन्सरचे नाव होते. पण अंतिम सामन्यासाठी भारतीय संघाला वेगळी जर्सी देण्यात आली आहे.
हेही वाचा - WTC Final : ...म्हणून पहिलं षटक फेकताच जसप्रीत बुमराह ड्रेसिंग रूमच्या दिशेने पळत सुटला
हेही वाचा - कोरोनामुळे २ वेळा लग्न पुढं ढकललं, पट्ट्याने अखेरीस गुपचूप उरकला विवाह
