RR VS KKR : राजस्थान-कोलकातामध्ये आज लढत

आयपीएलच्या चौदाव्या हंगामात आज कोलकाता नाईट रायडर्स आणि राजस्थान रॉयल्स यांच्यात सामना होणार आहे.

मुंबई - आयपीएलच्या चौदाव्या हंगामात आज कोलकाता नाईट रायडर्स आणि राजस्थान रॉयल्स यांच्यात सामना होणार आहे. हे दोन्ही संघ पुन्हा विजयी मार्गावर परतण्यासाठी मैदानात उतरणार आहे.

केकेआर आणि राजस्थान दोन्ही संघांच्या समस्या एकसारख्या आहेत. ती म्हणजे, पहिल्या फळीतील फलंदाज संघासाठी मोठी धावसंख्या उभारण्यात अपयशी ठरले आहेत. गत सामन्यात दोन्ही संघांमधील मधल्या फळीतील फलंदाजांनी निर्णायक खेळी केली होती. परंतु विजयासाठी यापेक्षा चांगली कामगिरी करणे आवश्‍यक आहे.

कोलकाता संघाने सलामीच्या सामन्यात सनरायजर्स हैदराबादवर विजय मिळवत धडाक्यात सुरूवात केली. पण त्यानंतर सलग तीन सामन्यांमध्ये त्यांना पराभव पत्करावा लागला आहे. राजस्थाननेही चार सामन्यांपैकी तीन सामने गमाविले आहेत. आता दोन्ही संघ पुन्हा विजय मार्गावर परतण्यासाठी उत्सुक आहेत.