INDvsWI: वनडे मालिकेसाठी भारतीय संघ अहमदाबादमध्ये दाखल

भारतीय संघ वेस्टइंडीज विरुद्ध वनडे मालिकेसाठी अहमदाबाद येथे दाखल (Indian team arrives in Ahmedabad) झाला आहे. सर्व खेळाडू तीन दिवस आयसोलेशनमध्ये राहणार आहेत. तसेच 6 फेब्रुवारी पासून मालिकेला सुरुवात होणार आहे.

अहमदाबाद: भारत विरुद्ध वेस्टइंडीज संघात तीन सामन्यांची वनडे मालिका (India v West Indies ODI series) खेळली जाणार आहे. या मालिकेला 6 फेब्रुवारी पासून सुरुवात होणार आहे. तसेच या मालिकेतील सर्व सामने अहमदाबाद येथील नरेंद्र मोदी स्टेडिअमवर खेळले जाणार आहे. तत्पुर्वी या मालिकेसाठी भारतीय संघ दाखल झाला आहे. सर्व खेळाडूंनी रविवार आणि सोमवारच्या दरम्यान जैविक दृष्ट्या सुरक्षित वातावरणात प्रवेश केला आहे. तसेच हे सर्व खेळाडू तीन दिवस आयसोलेशनमध्ये राहणार आहेत, अशी माहिती बीसीसीआयच्या एका अधिकाऱ्यांनी पीटीआयला दिली.

या मालिकेत रोहित शर्मा भारतीय मर्यादीत षटकांच्या सामन्याचा नियमित कर्णधार (Indian team led by Rohit Sharma) म्हणून पहिल्यांदाच मैदानात उतरेल. तो मागील दक्षिण आफ्रिके विरुद्धच्या मालिकेला हॅमस्ट्रिंगच्या दुखापतीमुळे तो मुकला होता. अहमदाबाद येते जातानाचे भारतीय खेळाडूंनी आपले फोटो सोशल मीडियावर शेअर केले आहेत.

• Ahemdabad ✈️🇮🇳 pic.twitter.com/oNqUDb7QUa

  — Yuzvendra Chahal (@yuzi_chahal) January 30, 2022 " class="align-text-top noRightClick twitterSection" data="

  Ahemdabad ✈️🇮🇳 pic.twitter.com/oNqUDb7QUa

  — Yuzvendra Chahal (@yuzi_chahal) January 30, 2022

  ">

  Ahemdabad ✈️🇮🇳 pic.twitter.com/oNqUDb7QUa

  — Yuzvendra Chahal (@yuzi_chahal) January 30, 2022

भारतीय संघाचा लेगस्पिनर युजवेंद्र चहलने (Legspinner Yujvendra Chahal) शनिवारी अहमदाबादला रवाना होतानाचे फोटो शेअर केले आहेत. तो विमानात शिखर धवन सोबत बसलेला दिसून येत आहे. तसेच कुलदीप यादवची भारतीय संघात पुनरागमन झाले आहे. त्याचबरोबर रवि बिष्णोईला पहिल्यांदाच भारतीय संघात स्थान देण्यात आले आहे.

कोरोना महामारीचा प्रभाव पाहता बीसीसीआयने (Board of Control for Cricket in India) वनडे आणि टी-20 मालिकेसाठी स्थळांची संख्या घटवली आहे. त्यामुळे आता वनडे मालिकेतील तीन ही सामने अहमदाबाद येथे आयोजित केले आहेत. तसेच टी-20 मालिकेचे तीन ही सामने कोलकाता येथे आयोजित करण्यात आले आहेत.