नवी दिल्ली : भारतीय स्टार माजी क्रिकेटर युवराज सिंगची पत्नी हेजल कीच 28 फेब्रुवारीला तिचा 36 वा वाढदिवस साजरा करत आहे. युवराज सिंगसाठी हेजलला इंम्प्रेस करणे सोपे नव्हते. हेजल-युवराजची प्रेमकहाणी खूपच रंजक आहे. युवराजचे चांगले दिसणे आणि खेळण्याच्या पद्धतीमुळे त्याचे बरेच चाहते आहेत आणि बहुतेक मुली युवराजसाठी वेड्या होत्या. पण काय करणार, युवराजचे मन ब्रिटिश मॉडेल हेजलवर पडले. युवराजने हेजलला डेटवर नेण्यासाठी तीन वर्षे प्रयत्न केले होते. त्यांच्या वाढदिवसानिमित्त जाणून घेऊया, या दोघांची भेट कधी झाली आणि नंतर लग्न कसे झाले.
टीव्ही शो आणि चित्रपटांमध्ये काम : हेजलचे वडील ब्रिटिश वंशाचे तर आई बिहारी होती. हेजलला गुरबसंत कौर आणि रोज डॉन म्हणूनही ओळखले जाते. त्यांनी शालेय शिक्षण इंग्लंडमध्येच पूर्ण केले होते. लहानपणापासूनच हेजलला भारतीय शास्त्रीय आणि पाश्चात्य गाण्यांवर नृत्य करायला आवडते. हेजल नृत्यासोबतच गायन आणि अभिनयही करते. हेजलने तिच्या करिअरमध्ये टीव्ही शो आणि चित्रपटांमध्ये काम केले आहे. पण 'बॉडीगार्ड' चित्रपटात करीना कपूरच्या मैत्रिणीची भूमिका साकारल्यानंतर तिला प्रसिद्धी मिळाली.
हेजलने बॉलीवूडमध्ये प्रवेश कसा केला? : हेजल कीच 18 वर्षांची असताना ती सुट्टीसाठी भारतात आली होती. त्याचवेळी तिला मॉडेलिंगच्या अनेक ऑफर्स मिळू लागल्या. हेजलच्या फिल्मी करिअरची सुरुवात 2007 मध्ये 'बिल्ला' या तमिळ सिनेमातून झाली. पण हेजलला 2011 मध्ये आलेल्या 'बॉडीगार्ड' चित्रपटातून प्रसिद्धी मिळाली, ज्यामध्ये तिने करीना कपूरच्या मैत्रिणीची भूमिका केली होती. या चित्रपटात सुपरस्टार सलमानने बॉडीगार्डची भूमिका साकारली होती. लोकांनाही हा चित्रपट खूप आवडला. यानंतर हेजलने 29 जून 2012 रोजी रिलीज झालेल्या सोनू सूदच्या 'मॅक्सिमम' चित्रपटात 'आ अंते अमलापुरम' हे आयटम साँग केले, ज्यामुळे हेजल खूप प्रसिद्ध झाली. हेजल 2013 मधील सर्वात हिट टीव्ही शो 'बिग बॉस-7'चा भाग देखील आहे. याशिवाय हेजल कॉमेडी सर्कस आणि झलक दिखला जा शोमध्येही दिसली आहे. हॅरी पॉटर सीरिज 3 या हॉलिवूड चित्रपटात दिसली होती.
युवराज-हिजलची प्रेमकहाणी लग्नात कशी बदलली : हेजल आणि युवराज 2011 मध्ये मित्राच्या वाढदिवसाच्या पार्टीत भेटले. याच पार्टीत युवराज हेजलच्या हसण्याच्या प्रेमात पडला. मात्र ही कहाणी पुढे नेण्यासाठी युवराजला बराच काळ वाट पाहावी लागली. युवराजने जेव्हा हेजलला डेटवर नेण्यासाठी नंबर मागितला तेव्हा हेजलने दिला, पण नंतर तिने तिचा मोबाइल बंद केला. अशाप्रकारे ही मालिका अनेक दिवस चालली. त्यानंतर युवराजला राग आला आणि त्याने मोबाईलवरून हेजलचा नंबर डिलीट केला. पण युवराजच्या मनात हेजल कायम होती, मग नंबर डिलीट करून काय उपयोग.
दोघेही विवाहबंधनात अडकले : युवराजने हेजलला सोशल मीडियावर फ्रेंड रिक्वेस्ट पाठवून तिच्याशी मैत्री केली. युवराज सिंगने एका टीव्ही शोमध्ये सांगितले होते की, हेजलने 3 महिन्यांनंतर त्याची फ्रेंड रिक्वेस्ट स्वीकारली होती. अशा प्रकारे हेजल-युवराजची पहिली डेट मित्रांच्या माध्यमातून झाली. दोघांच्या कॉमन फ्रेंड्सच्या माध्यमातून जवळपास 3 वर्षांनी ही डेट झाली. त्यानंतर जेव्हा युवराजने हेजलला प्रपोज केले तेव्हा ती नकार देऊ शकली नाही. 30 नोव्हेंबर 2016 रोजी दोघेही विवाहबंधनात अडकले. आता दोघांनाही एक लाडका मुलगा ओरियन आहे, ज्याचा जन्म 25 जानेवारी 2022 रोजी झाला. सध्या हेजल तिचे वैवाहिक जीवन एन्जॉय करत आहे.
हेही वाचा : Womens T20 WC Prize Money : ऑस्ट्रेलियन संघावर पैशांचा पाऊस; वर्ल्डकप जिंकण्यासाठी मिळाली मोठी रक्कम
