ICC Womens T20 World Cup 2023 : महिला टी 20 विश्वचषक 10 फेब्रुवारीपासून होणार सुरू, जाणून घ्या स्पर्धेचे वेळापत्रक

महिला टी 20 विश्वचषक 2023 मध्ये भारतीय संघाचा पहिला सामना 12 फेब्रुवारी रोजी पाकिस्तानशी होणार आहे. दक्षिण आफ्रिका या स्पर्धेचे यजमानपद भूषवणार आहे. त्यात आठ संघ सहभागी झाले आहेत. टी 20 विश्वचषकाच्या संपूर्ण वेळापत्रकाबद्दल जाणून घेण्यासाठी संपूर्ण बातमी वाचा.

नवी दिल्ली : आयसीसी महिला टी 20 विश्वचषक 2023 चे आयोजन दक्षिण आफ्रिकेत केले जाणार आहे. ही स्पर्धा 10 फेब्रुवारीपासून सुरू होणार आहे. त्याचा पहिला सामना दक्षिण आफ्रिका आणि श्रीलंका यांच्यात होणार आहे. यावेळी महिला टी20 विश्वचषकात आठ संघ सहभागी होणार आहेत. या संघांमध्ये स्पर्धा करण्यासाठी एकापेक्षा जास्त खेळाडू आहेत. हि स्पर्धा खूपच रंजक असणार आहे. चला तर मग जाणून घेऊया शेड्युलमध्ये कोण कोणाशी आणि कधी करणार स्पर्धा?

ऑस्ट्रेलिया विजेतेपद राखण्यासाठी मैदानात : महिला टी20 विश्वचषकाचे हे 8वे सिझन आहे. डिफेंडिंग चॅमपियन ऑस्ट्रेलिया यावेळी आपले विजेतेपद राखण्यासाठी मैदानात उतरणार आहे. ऑस्ट्रेलियाने सर्वाधिक 5 वेळा विजेतेपद पटकावले आहे, तर इंग्लंड आणि वेस्ट इंडिज संघाने 1-1 वेळा विजेतेपद पटकावले आहे. यासोबतच हमनप्रीत कौरच्या नेतृत्वाखाली भारतीय संघाला प्रथमच विजेतेपद मिळवून इतिहास रचण्याची इच्छा आहे. 27 दिवसांत एकूण 23 सामने खेळवले जाणार आहेत. यासाठी प्रत्येक संघाची दोन गटात विभागणी करण्यात आली असून त्यामध्ये प्रत्येक संघाला ४-४ सामने खेळावे लागणार आहेत. अ गटात ऑस्ट्रेलिया, न्यूझीलंड, दक्षिण आफ्रिका, श्रीलंका आणि बांगलादेशचे संघ असतील. त्याचबरोबर ब गटात इंग्लंड, भारत, वेस्ट इंडिज, पाकिस्तान, आयर्लंड हे संघ खेळणार आहेत.

भारताची स्पर्धा कधी आणि कोणासोबत होणार ? : भारत आणि पाकिस्तान यांच्यात १२ फेब्रुवारीला न्यूझीलंडच्या केपटाऊनमध्ये स्पर्धा होणार आहे. भारत आणि न्यूझीलंड यांच्यात १५ फेब्रुवारीला पोर्ट एलिझाबेथ येथे सामना होणार आहे. त्याचबरोबर भारत आणि आयर्लंड यांच्यात पोर्ट एलिझाबेथ येथे २० फेब्रुवारीला शेवटचा सामना खेळवला जाणार आहे. महिला T20 विश्वचषक स्पर्धेतील सर्व सामने स्टार स्पोर्ट्स नेटवर्कवर प्रसारित केले जातील. त्याचा अंतिम सामना २६ फेब्रुवारीला होणार आहे.

ICC महिला अंडर-19 T20 विश्वचषक : भारत विरुद्ध इंग्लंड सामना पॉचेफस्ट्रूम येथील जेबी मार्क्स ओव्हल मैदानावर खेळला गेला. भारताने नाणेफेक जिंकून प्रथम गोलंदाजी करण्याचा निर्णय घेतला. गोलंदाजी करताना भारताने इंग्लंडला 68 धावांत गुंडाळले. भारताने 14 षटकात अवघ्या 1 चेंडूत सामना जिंकला. भारतीय महिला संघाने इंग्लंडवर ७ गडी राखून दणदणीत विजय मिळवला आहे. पहिल्याच टी२० विश्वचषकावर भारतीय महिला संघाने नाव कोरले आहे. या विजयानंतर पंतप्रधान नरेंद्र मोदी यांनी भारतीय महिला टीमचे अभिनंदन केले आहे.

हेही वाचा : U19 Women World Cup : क्रिकेटर सौम्या तिवारीशी ईटीव्ही भारतची खास बातचीत, पाहा ऐतिहासिक विजयानंतर काय म्हणाली सौम्या..