नवी दिल्ली : भारताचा माजी अष्टपैलू खेळाडू युसूफ पठाण यूएईमध्ये खेळल्या जाणाऱ्या आंतरराष्ट्रीय लीगमध्ये दुबई कॅपिटल्स संघाचा भाग असणार आहे. दुबई कॅपिटल्सने युसूफ पठाणवर मोठी जबाबदारी सोपवली आहे. दुबई कॅपिटल्सने पठाणला आपला नवा कर्णधार म्हणून घोषित केले आहे. दुबई कॅपिटल्सने आपल्या अधिकृत ट्विटर हँडलवरून ट्विट करून ही माहिती दिली आहे. यापूर्वी वेस्ट इंडिजचा रोव्हमन पॉवेल दुबई कॅपिटल्सचे नेतृत्व करत होता. परंतु रोव्हमनच्या नेतृत्वाखाली संघाला सतत पराभवाचा सामना करावा लागत होता. टीम इंडियाचा युसूफ पठाण आंतरराष्ट्रीय क्रिकेटला अलविदा केल्यानंतर तो लीगमध्ये सतत खेळत आहे.
फिनिशरच्या भूमिकेत : दुबई कॅपिटल्सने ट्विट करून माहिती दिली आहे की संघाचे नेतृत्व आता युसूफ पठाण करणार आहे. युसूफ पठाण आता दुबई कॅपिटल्सचा नवा कर्णधार असेल, असे ट्विटमध्ये लिहिले आहे. त्याचवेळी, वेस्ट इंडिजच्या रोव्हमन पॉवेलकडून दुबई कॅपिटल्सचे कर्णधारपद का काढून घेण्यात आले, याबाबत फ्रेंचायझीने कोणतेही स्पष्टीकरण दिलेले नाही. युसूफ पठाण दुबई कॅपिटल्ससाठी फिनिशरच्या भूमिकेत आहे. संघासाठी सतत धावा करत आहे. भारतीय संघाव्यतिरिक्त त्याने इंडियन प्रीमियर लीगमध्येही चांगली कामगिरी केली आहे. युसूफ पठाण आयपीएलमध्ये राजस्थान रॉयल्स आणि कोलकाता नाईट रायडर्सकडूनही खेळला आहे.
युसूफची कारकीर्द : आयपीएलमध्ये युसूफ पठाणने 174 सामन्यात 3204 धावा केल्या आहेत. यादरम्यान पठाणचा स्ट्राईक रेट १४३ राहिला आहे. याशिवाय पठाणच्या नावावर एक शतक आणि 13 अर्धशतके आहेत. युसूफ पठाण वनडे आणि टी-२० फॉरमॅटमध्ये टीम इंडियासाठी मैदानात उतरला. युसूफ पठाणने भारतासाठी 57 एकदिवसीय आणि 22 टी-20 सामने खेळले आहेत. पठाणने एकदिवसीय क्रिकेटमध्ये 113.6 च्या स्ट्राइक रेटने 810 धावा केल्या आहेत. ज्यामध्ये त्याने दोन शतके आणि एक अर्धशतक झळकावले आहे. पठाणने फलंदाजीसोबतच गोलंदाजीतही आपली चमक दाखवली आहे.
धडाकेबाज कामगिरी : युसूफ पठाणने केवळ टीम इंडियासाठीच नव्हे तर इंडियन प्रीमियर लीगमध्येही धडाकेबाज कामगिरी केली आहे. पठाण आयपीएलमध्ये राजस्थान रॉयल्स आणि कोलकाता नाइट रायडर्सकडून खेळला आहे. या लीगमध्ये पठाणने एकूण 174 सामने खेळले असून त्यामध्ये त्याने 3204 धावा केल्या आहेत. यादरम्यान त्याचा स्ट्राईक रेट १४३ होता, तर त्याच्या खात्यात एका शतकासह १३ अर्धशतकांचा समावेश होता. मात्र, परदेशी लीगमध्ये खेळण्यासाठी पठाणने भारतातील सर्व प्रकारच्या व्यावसायिक क्रिकेटला अलविदा केला आहे. दुबईत सुरू असलेल्या आंतरराष्ट्रीय लीगव्यतिरिक्त पठाण बांग्लादेश प्रीमियर लीगमध्येही खेळला आहे.
हेही वाचा : SAFF championship : सॅफ अंडर 20 महिला अजिंक्यपद; भारत-बांग्लादेश स्पर्धेचा दुसरा सामना अनिर्णित
