लंडन: भारताचे माजी मुख्य प्रशिक्षक रवी शास्त्री ( Former head coach Ravi Shastri ) यांनी इंग्लंड आणि वेल्स क्रिकेट बोर्डाच्या (ईसीबी) क्रिकेटच्या नवीन संचालकपदी नियुक्ती झालेल्या रॉबर्ट की ( Director of Cricket Robert Key ) यांना सल्ला दिला आहे की, इंग्लंडच्या माजी सलामीवीराला ड्यूक बॉलसारखी जाड त्वचा विकसित करण्याची गरज आहे. जसे ते त्यांच्यावर झळणाऱ्या लोकांचा सामना करत असे. शास्त्री हे एक वर्ष वगळता 2014 ते 2021 दरम्यान भारताच्या कोचिंग स्टाफचे प्रमुख होते. या एका वर्षात अनिल कुंबळेची मुख्य प्रशिक्षकपदी नियुक्ती करण्यात आली होती.
तुम्ही अयशस्वी व्हावे वाटणाऱ्या अशा लोकांचा समूह असतो - ब्रिटनच्या द गार्डियन वृत्तपत्राला दिलेल्या मुलाखतीत शास्त्री म्हणाले की, भारतात जळणाऱ्या लोकांचा एक गट होता. ज्यांना नेहमी मी अपयशी व्हावा असे वाटत होते. शास्त्रीप्रमाणेच रॉबर्टही दीर्घकाळ समालोचक राहिले आहेत आणि त्यांच्याकडे कोचिंगची पदवी नाही. शास्त्री म्हणाले, माझ्याकडेही कोचिंगची कोणतीही पदवी नव्हती. लेव्हल वन आणि लेव्हल टू, भारतासारख्या देशात नेहमीच तुमच्यावर जळणारे लोक किंवा तुम्ही अयशस्वी व्हावे वाटणाऱ्या अशा लोकांचा समूह असतो. माझी त्वचा जाड आहे (लोक काय म्हणतात याकडे लक्ष देत नाही), तुम्ही वापरत असलेल्या ड्यूक बॉलपेक्षा जाड.
खेळाडूंशी संवाद हे सर्वोच्च - ब्रिटीश वृत्तपत्राने या माजी भारतीय मुख्य प्रशिक्षकाचा हवाला देत म्हटले आहे की, तुम्हाला याचा अवलंब करावा लागेल. जेव्हा रॉब (रॉबर्ट की) काम करण्यास सुरवात करेल तेव्हा तो ते विकसित करण्यास शिकेल. कारण रोज तुमच्या कामाविषयी कमेंट्स येत असतील. केंट सोबत खेळताना त्याला कर्णधारपदाचा भरपूर अनुभव मिळाला याचा मला आनंद आहे. कारण खेळाडूंशी संवाद हे सर्वोच्च असते. भारतीय संघासोबत काम करण्याच्या अनुभवाच्या आधारे, शास्त्री यांचा असा विश्वास आहे की जगभरातील क्रिकेट जगतात जवळपास सर्व राष्ट्रीय संघ एकाच पद्धतीने कार्य करतात. सांघिक संस्कृतीवर भर देताना शास्त्री म्हणाले की, ऑस्ट्रेलियात सलग दोन मालिका जिंकताना भारतीय संघाचा हा महत्त्वाचा भाग होता.
तुम्हाला अपशब्द वापरले, तर तुम्ही तीन परत करा - ते म्हणाले, यावरून आपल्याला कसे खेळायचे आहे हे दिसून येते. आक्रमक राहणे आणि विरोधी संघाला संधी न देणे, फिटनेसची उच्च पातळी, परदेशात 20 विकेट्स घेऊ शकणारे वेगवान गोलंदाज तयार करणे आणि ते तुमच्या वृत्तीशीही संबंधित आहे. विशेषत: आता ऑस्ट्रेलियाविरुद्ध खेळताना. मी त्या मुलांना म्हणालो की, तुम्हाला अपशब्द वापरले, तर तुम्ही तीन परत करा. दोन आपल्या भाषेत आणि एक त्यांच्या भाषेत. शास्त्री यांना वाटते की सर्वकाही कसे केले जाते हे समजून घेण्यासाठी रॉबर्ट कीने माजी कसोटी कर्णधार जो रूटशी विविध मुद्द्यांवर चर्चा करणे आवश्यक आहे.
कर्णधार म्हणून बेन स्टोक्स आदर्श पर्याय - इंग्लंडचा नवा कर्णधार म्हणून बेन स्टोक्स ( Ben Stokes ) हाच आदर्श पर्याय असेल, असेही शास्त्री यांचे मत आहे. त्यांनी सांगितले की त्याची गरज नाही. पण कर्णधारपदाची भावना त्याला आताच्या सर्वोत्तम खेळाडूपेक्षाही सरस बनवू शकते. कर्णधाराशी नाते महत्त्वाचे आहे. दुरावा होताच, गोष्टी बिघडू लागतात. शास्त्री म्हणाले, पण गोष्टी ठीक होतील. कारण इंग्लंडमध्ये स्पर्धा करण्यासाठी पुरेशी प्रतिभा आणि कौशल्य असल्याचे मी गेल्या वर्षी पाहिले. याबद्दल माझ्या मनात कोणतीही शंका नाही. हे सर्व मानसिकतेशी संबंधीत आहे.
हेही वाचा - IPL 2022 CSK vs PBKS : चेन्नई विरूद्धच्या सामन्यात ऋषी धवनने 'तो' मास्क का घातला?
