ऑस्ट्रेलियाचा अफगाणिस्तानवर ७ गडी राखून विजय - australeya

अफगाणिस्तान संघाने सर्वबाद २०७ धावा केल्या. अफगाणिस्तानकडून नजीबुल्लाह झादरान याने सर्वाधिक ५१ धावांची खेळी केली. तर ऑस्ट्रेलियाकडून पॅट कमिन्स आणि अॅडम झम्पा यांनी प्रत्येकी ३ बळी घेतले.

विजयाचा जल्लोष साजरा करताना ऑस्ट्रेलियन टीम

Published : Jun 2, 2019, 4:08 AM IST

Updated : Jun 2, 2019, 7:25 AM IST

ब्रिस्टॉल -विश्वकरंडकात शनिवारी खेळल्या गेलेल्या चौथ्या सामन्यात अफगाणिस्तानने नाणेफेक जिंकून प्रथम फलंदाजीचा निर्णय घेतला. या सामन्यात अफगाणिस्तानचे दोन्ही सलामिवीर शुन्यावर माघारी परतले. त्यानंतर रेहमत शाह आणि नजीबउल्लाह झादरानच्या फलंदाजीच्या जोरावर अफगाणिस्ताने २०० चा टप्पा पार केला .

अफगाणिस्तानाच्या संघाने सर्वबाद २०७ धावा केल्या. अफगाणिस्तानकडून नजीबुल्लाह झादरान याने सर्वाधिक ५१ धावांची खेळी केली. तर ऑस्ट्रेलियाकडून पॅट कमिन्स आणि अॅडम झम्पा यांनी प्रत्येकी ३ बळी घेतले.

अफगाणिस्तानने ऑस्ट्रेलियासमोर 208 धावांचे आव्हान समोर ठेवले. फिंचने ४९ चेंडूत सहा चौकार आणि चार षटकार मारत ६६ धावा केल्या. तर वॉर्नरने ११४ चेंडूत ८९ धावा केल्या. या सामन्यात वॉर्नरच्या जोरदार खेळीने, ऑस्ट्रेलियाने अफगाणिस्तानवर ७ गडी राखून विजय मिळवला.

कचरा उचलणाऱ्या कंपनीवर उल्हासनगर महानगरपालिका मेहेरबान ; ५ करोड ७३ लाखची दरवाढ स्थायी समितीद्वारे मंजूर

ठाणे : उल्हासनगर महापालिका डबघाईला आल्याने कामगारांना ७ वा वेतन आयोग मंजूर करता येत नाही असे खुद्द पालिका आयुक्तांचे म्हणणे आहे. मात्र कचरा उचलणाऱ्या कंपनीला ५ करोड ७३ लाख रुपये इंधन दरवाढ व इतर खर्चाच्या नावाने देण्याच्या विषयाला स्थायी समितीद्वारे मंजुरी देण्यात आली आहे. शहरात कचऱ्या ची समस्या, डंपिंग ग्राउंडची समस्या कायम असून या कंपनीबाबत अनेक तक्रारी असतांना सुद्धा एवढी मोठी रक्कम मंजूर केली याबाबत सर्वत्र आश्चर्य व्यक्त करण्यात येत आहे.

उल्हासनगर महानगरपालिकेचा कचरा उचलण्याचा कंत्राट कोणार्क इन्व्हायरो प्रायव्हेट लिमिटेड या कंपनीला २०१३ पासून ८ वर्षासाठी प्रतिदिन ४ लाख २५ हजार या दराने देण्यात आला आहे. हा दर कल्याण - डोंबिवली, भिवंडी, नवी - मुंबई, मीरा - भार्इंदर महानगरपालिकांच्या तुलनेने कितीतरी पट जास्त आहे. एवढी मोठी रक्कम देऊनही शहरात कचऱ्याची समस्या, डंपिंग ग्राउंड समस्या कायम असून कचरा व्यवस्थापन आणि झिरो गार्बेज या संकल्पनेला हरताळ फासले जात आहे. असे असून सुद्धा कंपनीने वेळोवेळी इंधन दरवाढ, कंपनीतील कामगारांसाठी वेतनवाढ मागितली आहे. ही दरवाढ पूर्वीच्या आयुक्तांनी नामंजूर केली होती. मात्र स्थायी समितीच्या बैठकीत ५ करोड ७३ लाखांची घसघशीत दरवाढ देण्याच्या विषयाला मंजुरी मिळाली आहे.

आज मनपा आयुक्त अच्युत हांगे हे निवृत्त होत आहेत. मात्र जाता - जाता काल त्यांनी कोणार्क कंपनीला या दरवाढीला अंतिम मंजुरी दिली असल्याने शहरात उलटसुलट चर्चा होत आहे. काही दिवसांपूर्वी मनपाच्या कामगारांना ७ वा वेतन आयोग लागू करा यासाठी कामगार संघटनेने आंदोलन केले होते. त्यावेळी मनपा आयुक्तांनी महानगरपालिकेची आर्थिक स्थिती खराब असल्याने ७ वा वेतन आयोग लागू करता येत नाही असे बजावले होते. मात्र निवृत्त होण्यापूर्वीच त्यांनी स्थायी समितीच्या ठरावावर सही केल्याने त्यांच्या नवीन वाद उद्भण्याची शक्यता वर्तवली जात आहे. या संदर्भात स्थायी समितीचे सभापती राजेश वधारीया यांना विचारले असता ते म्हणाले की कंत्राटी कामगारांचे किमान वेतन याबाबतचा विषय काही महिन्यांपासून प्रलंबित होता. याबाबत मनपाने सल्लागार समिती नेमली होती. या समितीच्या शिफारशी नुसार ही दरवाढ मिळाली असून इंधन दरवाढ ही आर बी आय च्या इंडेक्स नुसार प्रस्तावित होती. त्यामुळेच या विषयाला मंजुरी मिळाली आहे. कामगार कर्मचारी महासंघ या कामगार संघटनेचे अध्यक्ष राधाकृष्ण साठे यांना विचारले असता ते म्हणाले की हा राजकीय नेते आणि मनपा आयुक्तांचा दुटप्पीपणा असून कामगारांच्या तोंडाचा घास हिरावून घेतला गेला आहे. येत्या १७ जून पासून भारतीय कामगार कर्मचारी संघटना, अखिल भारतीय सफाई मजदूर काँग्रेस आणि लेबर फ्रंट या कामगार संघटनांनी बेमुदत संप पुकारला असून या बाबत आम्ही प्रशासनाला जाब विचारणार आहोत.

Last Updated : Jun 2, 2019, 7:25 AM IST

For All Latest Updates