गुरुग्राम - भारतीय क्रिकेट संघाचा फिरकीपटू गोलंदाज युझवेंद्र चहल याने मागील आठवड्यात गुरूग्राम येथे काही मोजक्या लोकांच्या उपस्थितीमध्ये धनश्री वर्मा हिच्याशी विवाह केला. विवाहानंतर चहल आणि धनश्री या दोघांनी सोशल मीडियावर फोटो शेअर करण्याचा सपाटा लावला आहे. काही तासांपूर्वीच आता दोघांनी विवाह सोहळ्यातील संगीत कार्यक्रमाचे फोटो शेअर केले आहेत.
संगीत कार्यक्रमाच्या शेअर केलेल्या फोटोत चहल धनश्रीसोबत पोझ देताना पाहायला मिळत आहे. चहलने त्याच्या इन्स्टाग्राम अकाउंटवरुन तीन फोटो शेअर केले आहेत. या फोटोला त्याने, माझ्या राणीशी भेट, संगीत सोहळ्याचा दिवस, असे कॅप्शन दिले आहे. तर दुसरीकडे धनश्रीने शेअर केलेल्या फोटोला, हे प्रिंन्स, चला डान्स करू, असे कॅप्शन दिले आहे.
- " class="align-text-top noRightClick twitterSection" data="
">
आयपीएलच्या तेराव्या हंगामासाठी युएईला रवाना होण्याआधी चहल आणि धनश्री यांनी साखरपुडा केला. धनश्री हे कोरिओग्राफर असून लॉकडाउन काळात दोघांची ओळख झाली. या ओळखीचे रुपातंर प्रेमात झाले आणि चहलने धनश्रीला लग्नासाठी मागणी घातली.
- " class="align-text-top noRightClick twitterSection" data="
">
धनश्री आयपीएलदरम्यान चहलला पाठिंबा देण्यासाठी युएईत दाखल झाली होती. विशेष म्हणजे, या आयपीएल हंगामात चहलची कामगिरी उल्लेखनीय ठरली. त्याने १५ सामन्यात २१ गडी बाद केले.
हेही वाचा - ICC च्या संघात भारतीयांचा बोलबाला; पाकिस्तानची पाटी रिकामी
हेही वाचा - धोनी नाम ही काफी है! दशकातील सर्वोत्तम आयसीसी एकदिवसीय आणि टी-२० संघाचे नेतृत्व माहीकडे
