'तो' सुपरझेल घेत वृद्धीमान साहा ठरला 'बळीसम्राट'.. माहीच्या विक्रमाशी केली बरोबरी

वृद्धीमान साहाने या कसोटी क्रिकेटमध्ये आपला शंभरावा बळी घेतला आहे. साहाचा हा विक्रम धोनीच्या सर्वात कमी कसोटी सामन्यात शंभर बळी घेण्याच्या विक्रमाच्या बरोबरीचा आहे.

कोलकाता- ईडन गार्डनवर भारत आणि बांगलादेशचा पहिला अंतरराष्ट्रीय दिवस-रात्र कसोटी सामना सुरु आहे. भारतीय संघाने आक्रमक खेळी करत केवळ १०६ धावांवर बांगलादेशला गारद केले. उमेश यादव, मोहम्मद शमी आणि इशांत शर्मा सारख्या त्रिकुटाने जरी या सामन्यात विशेष कामगिरी केली असली तरी भारताचा यष्टीरक्षक वृद्धीमान साहाने एक वेगळाच विक्रम केला आहे आणि हा विक्रम धोनीच्या विक्रमाच्या बरोबरीचा आहे.