हैदराबाद - इंडियन प्रीमियर लीगच्या १३ व्या हंगामाला मार्च अखेरीस सुरूवात होईल. पण, या हंगामाची उत्सुकता चाहत्यांना आतापासून लागली आहे. त्यातील एका चाहत्याने कोलकाता नाईट रायडर्सचा मालक शाहरूख खान याला एक प्रश्न विचारला. त्या प्रश्नाचे शाहरूखने मजेशीर उत्तर दिले.
घडलं असं की, शाहरुख खानने सोशल मीडियावर 'आस्क एसआरके' (#AskSRK) असा हॅशटॅग वापरत चाहत्यांना प्रश्न विचारण्यास सांगितले. त्यामुळे चाहत्यांनी त्याला खूप सारे प्रश्न विचारले. त्यात विवेक सुब्रमण्यम नावाच्या ट्विटर यूजरने शाहरूखला आयपीएलमधील केकेआर संघाबाबतही प्रश्न विचारला. त्याने शुभमन गिल याला केकेआर संघाचा कर्णधार कधी बनवले जाईल, असा प्रश्न शाहरुखला विचारला.
सुब्रमण्यमच्या प्रश्नावर शाहरूख काय उत्तर देणार याकडे साऱ्यांचे लक्ष होते. तेव्हा शाहरुखने देखील झकास असा रिप्लाय दिला. त्याने, तुम्हाला केकेआर संघाचा प्रशिक्षक बनताच शुभमन कोलकाता नाईट रायडर्सच्या संघाचा कर्णधारपदी विराजमान होईल.' असे उत्तर दिले.
असा आहे आयपीएल २०२० हंगामासाठी कोलकाता नाइट रायडर्सचा संघ -
दिनेश कार्तिक (कर्णधार), आंद्रे रसेल, सुनील नरेन, कुलदीप यादव, शुभमन गिल, लॉकी फर्ग्यूसन, नितीश राणा, संदीप वारियर, हॅरी गुरने, कमलेश नागरकोटी, शिवम मावी, सिद्धेश लाड , प्रसिध कृष्णा, रिंकू सिंह, इयॉन मॉर्गन, राहुल त्रिपाठी, टॉम बेंटन, निखिल नायक, क्रिस ग्रीन, पॅट कमिंस, वरुण चक्रबर्ती, एम सिद्धार्थ.
हेही वाचा - IND VS NZ : टीम इंडिया 'मिशन न्यूझीलंड'साठी सज्ज, बीसीसीआयने शेअर केले फोटो
हेही वाचा - तुझ्या डोक्यावर जेवढे केस नाहीत, त्यापेक्षा जास्त पैसा आहे माझ्याकडे; शोएबचा वीरुवर पलटवार
