मुंबई - भारताचा दिग्गज फलंदाज सचिन तेंडुलकरच्या नेतृत्वात, इंडिया लिजेड्सने रोड सेफ्टी वर्ल्ड सीरिजचे विजेतेपद पटकावले. इंडिया लिजेड्सने अंतिम सामन्यात श्रीलंका लिजेड्सचा पराभव केला. सचिनची लाडकी लेक साराने या विजयाचे सेलिब्रेशन केले.
रविवारी पार पडलेल्या अंतिम सामन्यात सचिनच्या नेतृत्वात खेळणाऱ्या संघाने तिलकरत्ने दिलशानच्या संघाला १४ धावांवी पराभव केला. रायपूरच्या शहीद वीर नारायणसिंह इंटरनॅशन स्टेडियममध्ये झालेल्या या सामन्यात इंडिया लिजेड्सने बाजी मारली.
अंतिम सामना संपल्यानंतर सारा तेंडुलकरने इंन्स्टाग्राम स्टोरी पोस्ट केली आहे. यात सचिन टीव्हीवर पाहायला मिळत आहे. साराने इंन्स्टाग्रामपर अंतिम सामन्याचा व्हिडिओ देखील पोस्ट केला आहे. या स्टोरीवर तिने 'Yay' असे लिहलं आहे. दरम्यान, सचिनची मुलगी सारा क्रिकेटची चाहती आहे. ती अनेकदा क्रिकेट सामने पाहण्यासाठी मैदानावर आली आहे.
