दुबई - भारतीय संघाने नववर्षांची सुरूवात विजयी मालिकेने केली. श्रीलंकाविरुद्धची टी-२० मालिका भारताने २-० ने जिंकली. या सामन्यात शिखर धवन (५२) आणि लोकेश राहुल (५४) यांच्या अर्धशतकी खेळी केली. तर कर्णधार विराट कोहलीनेही सहाव्या क्रमांकावर येत २६ धावांचे योगदान दिले. दरम्यान, या सामन्यानंतर आंतरराष्ट्रीय क्रिकेट परिषदेने ( आयसीसी) टी-२० क्रमवारी जाहीर केली आहे. यात विराट एक स्थान वर सरकला आहे, परंतु सध्या विश्रांतीवर असलेल्या रोहित शर्माला मात्र टॉप-१० मधून बाहेर जावे लागले आहे.
आयसीसीने जाहीर केलेल्या ताज्या क्रमवारीनूसार, विराट दहाव्या क्रमांकावरून नवव्या क्रमांकावर सरकला आहे. रोहित मात्र नवव्या स्थानावरून १३ व्या स्थानी गेला आहे.
टी-२० च्या गोलंदाजीच्या यादीत, भारताचा एकही गोलंदाज टॉप-१० मध्ये नाही. तसेच दुसरीकडे अष्टपैलू खेळाडूंच्या क्रमवारीत भारताच्या खेळाडूंना टॉप-१० मध्ये स्थान मिळालेले नाही.
टी-२० तील टॉप-१० फलंदाज
- बाबर आझम (पाकिस्तान) - ८७९ गुण
- अॅरोन फिंच (ऑस्ट्रेलिया ) - ८१० गुण
- डेव्हिड मलान (इंग्लंड) - ७८२ गुण
- कॉलिन मुन्रो (न्यूझीलंड) - ७८० गुण
- ग्लेन मॅक्सवेल (ऑस्ट्रेलिया) - ७६६ गुण
- लोकेश राहुल (भारत) - ७६० गुण
- एव्हिन लुइस (वेस्ट इंडिज) - ६९९ गुण
- हझरतुल्लाह जझाई (अफगाणिस्तान) - ६९२ गुण
- विराट कोहली (भारत) - ६८३ गुण
- इयॉन मॉर्गन (इंग्लंड) - ६५३ गुण
