शारजाह - इंडियन प्रीमियर लीगमध्ये (आयपीएल) आज शुक्रवारी राजस्थान रॉयल्सचा सामना दिल्ली कॅपिटल्सशी होणार आहे. दिल्ली कॅपिटल्सचा संघ या मोसमात उत्कृष्ट फॉर्ममध्ये आहे. मात्र, राजस्थानला सामोरे जाणे हे त्यांच्यापुढे एक मोठे आव्हान असणार आहे. दिल्लीचे फलंदाज आणि गोलंदाज सातत्याने चांगली कामगिरी करत आहेत.
दिल्लीसाठी फलंदाजीमध्ये पृथ्वी शॉ, शिखर धवन, कर्णधार श्रेयस अय्यर, ऋषभ पंत, मार्कस स्टॉइनिस प्रत्येक सामन्यात योगदान देत आहेत. गोलंदाजीत कगिसो रबाडा दिल्लीचे प्रमुख अस्त्र आहे. तो या मोसमात संघासाठी सर्वाधिक विकेट घेणारा खेळाडू आहे. त्याच्याशिवाय, दक्षिण आफ्रिकेचा वेगवान गोलंदाज एनरिक नॉर्ट्जेसुद्धा संघाच्या गरजेनुसार कामगिरी दाखवत आहे. फिरकीपटूंमध्ये रवीचंद्रन अश्विन आणि अक्षर पटेल संघात आहेत.
सलग तीन सामन्यांत पराभव पत्करल्याने राजस्थानची गुणतालिकेत सहाव्या स्थानावर घसरण झाली आहे. पहिल्या दोन सामन्यांत दिमाखात फटकेबाजी करणारा कर्णधार स्टीव्ह स्मिथ आणि संजू सॅमसन सध्या धावांसाठी झगडत आहेत. गोलंदाजीत जोफ्रा आर्चर आणि टॉम करन यांच्यावर राजस्थानची मदार आहे. फिरकी गोलंदाज राहुल तेवतियाला कामगिरीत सातत्य राखता आलेले नाही.
राजस्थान रॉयल्स -
स्टिव्ह स्मिथ (कर्णधार), अंकित राजपूत, बेन स्टोक्स, जोफ्रा आर्चर, जोस बटलर, महिपाल लोमरोर, मनन वोहरा, मयंक मार्कंडे, राहुल तेवतिया, रियान पराग, संजू सॅमसन, शशांक सिंग, श्रेयस गोपाल, वरुण आरोन, रॉबिन उथप्पा , जयदेव उनाडकट, यशस्वी जयस्वाल, अनुज रावत, आकाश सिंग, कार्तिक त्यागी, डेव्हिड मिलर, ओशाने थॉमस, अनिरुद्ध जोशी, अँन्ड्र्यू टाय, टॉम करन.
दिल्ली कॅपिटल्स -
श्रेयस अय्यर (कर्णधार), अजिंक्य रहाणे, अ‌ॅलेक्स कॅरी, जेसन रॉय, पृथ्वी शॉ, ऋषभ पंत (यष्टीरक्षक), शिखर धवन, शिमरोन हेटमायर, अक्षर पटेल, ख्रिस वोक्स, ललित यादव, मार्कस स्टॉइनिस, किमो पॉल, आवेश खान , हर्षल पटेल, इशांत शर्मा, कगिसो रबाडा, मोहित शर्मा, रवीचंद्रन अश्विन, संदीप लामिछाने, एनरिक नॉर्ट्जे, तुषार देशपांडे.
