INDvsWI 1st t20 : आजच्या सामन्यात के. एल. राहुलला 'हा' विक्रम करण्याची संधी

या सामन्यात राहुलने २६ किंवा त्यापेक्षा अधिक धावा केल्या तर तो आंतरराष्ट्रीय टी-२० मध्ये एक हजार धावांचा टप्पा पार करेल. अशी कामगिरी करणारा तो भारताचा सातवा क्रिकेटपटू ठरणार आहे.

हैदराबाद - येथील राजीव गांधी आंतरराष्ट्रीय क्रिकेट स्टेडियमवर भारत विंडीजविरूद्ध पहिला टी-२० सामना खेळणार आहे. या सामन्यात भारताच्या के. एल. राहुलला मोठा विक्रम करण्याची संधी असणार आहे.

हेही वाचा - #HBDJaspritBumrah : आईचा ओरडा खाल्यामुळे बुमराह ठरला 'यॉर्कर किंग'

या सामन्यात राहुलने २६ किंवा त्यापेक्षा अधिक धावा केल्या तर तो आंतरराष्ट्रीय टी-२० मध्ये एक हजार धावांचा टप्पा पार करेल. अशी कामगिरी करणारा तो भारताचा सातवा क्रिकेटपटू ठरणार आहे. राहुलने ३१ आंतरराष्ट्रीय टी-२० सामन्यात २ शतके आणि ६ अर्धशतकांसह ९७४ धावा केल्या आहेत.

आंतरराष्ट्रीय टी-२० मध्ये सर्वाधिक धावा करणारे भारतीय क्रिकेटपटू -

२५३९ धावा - रोहित शर्मा

२४५० धावा - विराट कोहली

१६१७ धावा - एमएस धोनी

१६०५ धावा - सुरेश रैना

१५०४ धावा - शिखर धवन

११७७ धावा - युवराज सिंग

९७४ धावा - केएल राहुल

भारत वेस्ट इंडीज संघातील टी-२० मालिकेचे वेळापत्रक -

६ डिसेंबर - हैदराबाद.

८ डिसेंबर - तिरुवनंतपुरम.

११ डिसेंबर - मुंबई.