संघातील स्थान टिकविण्यासाठी नाही, तर विजयासाठी खेळ केल्याचा आनंद - गांगुली

भारताच्या या दमदार विजयानंतर बीसीसीआयचे अध्यक्ष सौरव गांगुली यांनी ट्विट करून संघाचे कौतुक केले.

नवी दिल्ली - भारतीय संघाने बुधवारी वेस्ट इंडीज विरुद्धच्या तिसऱ्या आणि निर्णायक सामन्यात ६७ धावांनी बाजी मारली आणि ३ सामन्यांच्या टी-२० मालिकेवर २-१ ने कब्जा केला. भारताच्या या दमदार विजयानंतर बीसीसीआयचे अध्यक्ष सौरव गांगुली यांनी ट्विट करून संघाचे कौतुक केले.

भारतीय संघाच्या विजयावर गांगुली यांनी आपल्या ट्विटद्वारे सांगितलं की, 'भारतीय क्रिकेट संघ विंडीजविरुद्धची टी-२० मालिका जिंकणार, हे माहीत होते. त्याप्रमाणे भारतीय संघाने विजय मिळवला देखील. यात काही आश्चर्यांची गोष्ट नाही. पण संघातील प्रमुख फलंदाजांनी आपला नैसर्गिक खेळ करीत संघाला विजयी केले. कोणताही खेळाडू संघातील जागा टिकवण्याच्या हेतूने खेळला नाही. याचा आनंद आहे. वेल डन इंडिया.'

• Not many expected india to lose a series .. win was not a surprise .. what will stand out is the fearless batting which all will see in T20 now ..play without fear .. no one plays for his place but plays to win ..well done india @BCCI @imVkohli @JayShah @ImRo45

  — Sourav Ganguly (@SGanguly99) December 11, 2019 " class="align-text-top noRightClick twitterSection" data="

  Not many expected india to lose a series .. win was not a surprise .. what will stand out is the fearless batting which all will see in T20 now ..play without fear .. no one plays for his place but plays to win ..well done india @BCCI @imVkohli @JayShah @ImRo45

  — Sourav Ganguly (@SGanguly99) December 11, 2019

  ">

  Not many expected india to lose a series .. win was not a surprise .. what will stand out is the fearless batting which all will see in T20 now ..play without fear .. no one plays for his place but plays to win ..well done india @BCCI @imVkohli @JayShah @ImRo45

  — Sourav Ganguly (@SGanguly99) December 11, 2019

दरम्यान, भारतीय संघाने मुंबईच्या वानखेडे स्टेडियमवर २० षटकात ३ गड्यांच्या मोबदल्यात २४० धावांचा पाऊस पाडला. त्यानंतर भारतीय गोलंदाजांनी भेदक मारा करत विंडीजला १७३ धावांमध्ये रोखलं. या सामन्यात भारतीय सलामीवीर रोहित आणि राहुल यांनी आक्रमक सुरुवात केली. दोघांनी चौफेर फटकेबाजी करत पहिल्या विकेटसाठी १३५ धावा जोडल्या. या दरम्यान दोन्ही खेळाडूंनी आपलं अर्धशतकही पूर्ण केलं.

विराट कोहली केएल राहुल सामन्यादरम्यान...

रोहित शर्मा ७१ धावांवर माघारी परतल्यानंतर ऋषभ पंतला फलंदाजीत तिसऱ्या क्रमाकांवर बढती देण्यात आली. मात्र, पंत पोलार्डच्या गोलंदाजीवर भोपळाही न फोडता माघारी परतला. यानंतर कर्णधार विराट कोहलीने लोकेश राहुलच्या साथीने फटकेबाजी करत भारताला २०० धावांचा टप्पा ओलांडून दिला. विराटने नाबाद आक्रमक ७० धावा केल्या. तर राहुल ९१ धावांवर बाद झाला.

हेही वाचा - रोहित 'ला लीगा फुटबॉल स्पर्धे'चा ब्रँड अ‌ॅम्बेसेडर, 90 वर्षांच्या इतिहासात पहिल्यांदाच घडलं

हेही वाचा - India Vs West Indies : वानखेडेच्या विजयात 'हे' खेळाडू ठरले हिरो