Ind vs Aus : अ‌ॅडम झंम्पा विराटसाठी डोकेदुखी, वाचा किती वेळा केलं बाद

एकदिवसीय सामन्यात विराट कोहलीला सर्वाधिक वेळा बाद करण्याचा रेकॉर्ड वेस्ट इंडीजचा गोलंदाज रवी रामपालच्या नावे आहे. त्याने विराटला ६ वेळा बाद केले आहे.

राजकोट - ऑस्ट्रेलियाचा फिरकीपटू गोलंदाज अ‌ॅडम झंम्पा भारतीय कर्णधार विराट कोहलीसाठी कर्दनकाळ ठरत आहे. त्याने विराटला एकदिवसीय क्रिकेटमध्ये आतापर्यंत ५ वेळा माघारी धाडलं आहे. ऑस्ट्रेलियाविरुद्ध झालेल्या दोनही सामन्यात झंम्पाने, विराटला बाद केलं आहे. विराटने राजकोटच्या मैदानात ७८ धावांची खेळी केली. त्याला झंम्पाने मिचेल स्टार्ककरवी झेलबाद केलं.

एकदिवसीय सामन्यात विराट कोहलीला सर्वाधिक वेळा बाद करण्याचा रेकॉर्ड वेस्ट इंडीजचा गोलंदाज रवी रामपालच्या नावे आहे. त्याने विराटला ६ वेळा बाद केले आहे. यानंतर या यादीत ऑस्ट्रेलियाचा अ‌ॅडम झंम्पा, श्रीलंकेचा थिसारा परेरा आणि न्यूझीलंडच्या टीम साउदीचा संयुक्तपणे नंबर लागतो. या तिघांनी विराटला प्रत्येकी ५ वेळा बाद केले आहे.

दरम्यान, भारत आणि ऑस्ट्रेलिया यांच्यात तीन सामन्यांची एकदिवसीय मालिका खेळवण्यात येत आहे. ऑस्ट्रेलियाने मुंबईतील पहिला सामना १० गड्यांनी जिंकून मालिकेत आघाडी मिळवली होती. तेव्हा टीम इंडियाने राजकोटचा सामना ३६ धावांनी जिंकत मालिकेत १-१ ने बरोबरी साधली. अखेरचा निर्णायक सामना बंगळुरुच्या चिन्नस्वामी स्टेडियममध्ये १९ जानेवारीला खेळवण्यात येणार आहे.

हेही वाचा - IND vs AUS : भारत-ऑस्ट्रेलिया सामन्यातील ५ खास विक्रम, वाचा एका क्लिकवर...

हेही वाचा - भारताने काढला पराभवाचा वचपा; मालिकेत १-१ ने बरोबरी