मेलबर्न - कोरोना विषाणूचा धोका दिवसेंदिवस वाढत आहे. यामुळे कोरोनाला रोखण्यासाठी प्रत्येक जण आपापल्या पद्धतीने उपाययोजना करत आहे. ऑस्ट्रेलियाचा सलामीवीर डेव्हिड वॉर्नरही आपल्या मुलीली कोरोनाची लागण होऊ नये, यासाठी प्रयत्नशील आहे. त्यामुळे तो आपल्या ५ वर्षीय मुलीला कोरोनापासून दूर राहण्याचे धडे देत आहे. याचा व्हिडिओ वॉर्नरने आपल्या सोशल मीडिया अकाउंटवरुन शेअर केला आहे.
वॉर्नर शेअर केलेल्या व्हिडीओमध्ये, तो मुलीला हात धुण्याचा सल्ला देत आहे. यासोबत तो आपण सावधगिरी बाळगली पाहिजे, असेही मुलीला सांगत आहे. वॉर्नरची मुलगी या व्हिडीओमध्ये सॅनिटायझर वापरताना दिसत आहे. त्यावर वॉर्नर मुलीला विचारतो, तु हात का धूत आहेस?. यावर मुलीने विषाणूला मारण्यासाठी, असे निरागसणे उत्तर दिले.
- " class="align-text-top noRightClick twitterSection" data="
">
दरम्यान, वॉर्नरने या व्हिडीओला आम्ही मुलींना हात धुण्यासाठी जागरूक करण्यासाठी सर्वतोपरी प्रयत्न करीत आहोत. हा आपल्या रोजच्या रोजचा भाग असावा, असे कॅप्शन दिले आहे.
दरम्यान, चीनच्या वुहान शहरातून जगभरातील १६६ हून अधिक देशांमध्ये पसरलेल्या कोरोना विषाणूमुळे १६ हजारहून अधिक लोकांचा मृत्यू झाला आहे. तर ३.६ लाखाहून अधिक लोकांना याची लागण झाली आहे. भारतातही कोरोनाच्या रुग्णांमध्ये झपाट्याने वाढ होत आहे. देशात हा आकडा ४०० पार पोहचला आहे. कोरोनाचा प्रसार पाहता, महाराष्ट्र, पंजाब आणि दिल्लीमध्ये संचारबंदी लागू करण्याचा निर्णय घेण्यात आला आहे.
हेही वाचा - ..अखेर टोकियो ऑलिम्पिक पुढे ढकललं, ऑलिम्पिक समिती सदस्यानं दिली माहिती'
हेही वाचा - बिना हथियार जंग नहीं जीती जाती,' असे सांगत गंभीरने कोरोनाविरुद्ध लढण्यासाठी दिले ५० लाख
