दुबई - आयपीएलसाठी यूएई गाठलेल्या चेन्नई सुपर किंग्ज संघाच्या अडचणीत वाढ झाली आहे. सीएसकेने १२ सदस्यांच्या कोरोना पॉझिटिव्ह घटनेची पुष्टी केल्यानंतर संघाला अजून एक मोठा धक्का बसला आहे. चेन्नईचा डावखुरा फलंदाज आणि संघातील महत्त्वाचा खेळाडू सुरेश रैना वैयक्तिक कारणामुळे मायदेशी परतला आहे. त्यामुळे तो यंदाच्या आयपीएलमध्ये भाग घेऊ शकणार नाही. सीएसकेच्या संघव्यवस्थापनाने ही माहिती दिली.
-
Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
— Chennai Super Kings (@ChennaiIPL) August 29, 2020 " class="align-text-top noRightClick twitterSection" data="
KS Viswanathan
CEO
">Suresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
— Chennai Super Kings (@ChennaiIPL) August 29, 2020
KS Viswanathan
CEOSuresh Raina has returned to India for personal reasons and will be unavailable for the remainder of the IPL season. Chennai Super Kings offers complete support to Suresh and his family during this time.
— Chennai Super Kings (@ChennaiIPL) August 29, 2020
KS Viswanathan
CEO
माध्यमांच्या वृत्तानुसार, पठाणकोटच्या थरियल गावात मध्यरात्री रैनाच्या नातेवाईकांवर हल्ला झाला. या हल्ल्यात रैनाच्या आत्याच्या पतीचा (अशोक कुमार) मृत्यू झाला. तर, रैनाची आत्या आशा देवी गंभीर जखमी झाल्या असून त्या सध्या रूग्णालयात आहेत. रैनाचा चुलत भाऊ कौशल कुमार (32) आणि अपिन कुमार (24) हे सुद्धा जखमी झाले आहे. मात्र, या प्रकरणात रैनाकडून अद्याप कोणतीही माहिती समोर आली नाही. अज्ञात हल्लेखोरांनी रैनाच्या नातेवाईकांवर हल्ला केल्याचे वृत्त आहे.
३३ वर्षीय सुरेश रैनाने १५ ऑगस्टला आंतरराष्ट्रीय क्रिकेटमधून निवृत्ती घेतली. यानंतर तो आयपीएलच्या संक्षिप्त सराव शिबिरातही सामील झाला. यूएईमध्ये सीएसकेचे १२ सदस्य कोरोना पॉझिटिव्ह आढळल्यानंतर आयपीएलचे वेळापत्रक लांबणीवर पडले आहे.
यूएईमध्ये जाण्यापूर्वी सीएसकेने चेन्नई येथे पाच दिवसांचे प्रशिक्षण ठेवले होते. यामध्ये एम.एस.धोनी, सुरेश रैना, दीपक चहर, अंबाती रायडू, पीयूष चावला आणि शार्दुल ठाकूर यांनी सहभाग घेतला होता. दुबईला दाखल झालेल्या इतर टीमच्या प्रशिक्षणाला सुरुवात झाली आहे. मात्र, चेन्नई सुपर किंग्ज अद्यापही प्रशिक्षणाच्या प्रतीक्षेत आहे. यंदा आयपीएलचे तेरावे पर्व १९ सप्टेंबर ते १० नोव्हेंबर या कालावधीत यूएईत रंगणार आहे.
