लढा कोरोनाविरुद्धचा : गंभीरने ठेवला खासदारांसमोर आदर्श, दिला २ वर्षांचा पगार

टीम इंडियाचा माजी सलामीवीर आणि भाजपचा विद्यमान खासदार गौतम गंभीर याने कोरोनाविरुद्धच्या लढ्यासाठी आणखी एका मोठ्या मदतीची घोषणा केली आहे. त्याने आपला पुढील दोन वर्षांचा पगार, कोरोनाग्रस्तांसाठी देण्याचे जाहीर केले आहे.

मुंबई - टीम इंडियाचा माजी सलामीवीर आणि भाजपचा विद्यमान खासदार गौतम गंभीर याने कोरोनाविरुद्धच्या लढ्यासाठी आणखी एका मोठ्या मदतीची घोषणा केली आहे. त्याने आपला पुढील दोन वर्षांचा पगार, कोरोनाग्रस्तांसाठी देण्याचे जाहीर केले आहे. गंभीरने याची घोषणा ट्विटरच्या माध्यमातून केली.

याविषयी गंभीर म्हणाला, 'प्रत्येक जण म्हणतो की, देशांने माझ्यासाठी काय केलं. पण रिअल प्रश्न हा आहे की, आपण देशासाठी काय करु शकतो. मी माझी दोन वर्षांची पगार पंतप्रधान केअर निधी देत आहे.'

• People ask what can their country do for them. The real question is what can you do for your country?
  
  I am donating my 2 year's salary to #PMCaresFund. You should come forward too! @narendramodi @JPNadda @BJP4Delhi #IndiaFightsCorona

  — Gautam Gambhir (@GautamGambhir) April 2, 2020 " class="align-text-top noRightClick twitterSection" data="

  People ask what can their country do for them. The real question is what can you do for your country?
  
  I am donating my 2 year's salary to #PMCaresFund. You should come forward too! @narendramodi @JPNadda @BJP4Delhi #IndiaFightsCorona

  — Gautam Gambhir (@GautamGambhir) April 2, 2020

  ">

  People ask what can their country do for them. The real question is what can you do for your country?
  
  I am donating my 2 year's salary to #PMCaresFund. You should come forward too! @narendramodi @JPNadda @BJP4Delhi #IndiaFightsCorona

  — Gautam Gambhir (@GautamGambhir) April 2, 2020

  
  

दरम्यान, याआधी गंभीरने कोरोनाग्रस्तांसाठी आपल्या खासदार निधीतून ५० लाख आणि नंतर एक कोटी रुपये दिले होते.

लोकसभेतील खासदाराला एका महिन्याला दोन लाखाहून अधिक पगार मिळतो. गंभीरने पुढील दोन वर्षांचा पगार कोरोनाग्रस्तांसाठी देण्याचे जाहीर केले आहे.

गंभीर व्यतिरिक्त सचिन तेंडुलकर, सौरव गांगुली, अजिंक्य रहाणे, बजरंग पुनिया, पी व्ही सिंधू, मेरी कोम, मिताली राज, रोहित शर्मा, विराट कोहली, पूनम यादव, दीप्ती शर्मा, इशान पोरेल आदी जणांनी आर्थिक मदत केली आहे.

दरम्यान, चीनच्या वुहान शहरातून जगभरात पसरलेल्या कोरोना विषाणूमुळे आतापर्यंत ४७ हजाराहून अधिक लोकांना आपला जीव गमवावा लागला आहे. भारतातही कोरोना संसर्ग मोठ्या प्रमाणात वाढत आहे. देशभरामध्ये गेल्या १२ तासात तब्बल १३१ नवे कोरोनाग्रस्त आढळून आले आहेत. त्यामुळे देशातील कोरोनाग्रस्तांची संख्या १ हजार ९६५ वर पोहोचली आहे.