एक हरहुन्नरी अभिनेता म्हणून संदिप पाठक सर्वांनाच परिचीत आहे. मालिका, चित्रपट आणि रंगभूमीच्या माध्यमातून तो अभिनयाच्या प्रवासाला निघालाय. विनोदी कलावंत अशीही त्याची ओळख आहे. पण गंभीर भूमिकाही तो लीलया पेलताना प्रेक्षकांनी पाहिलंय. तो आपल्या अभिनयाचा आदर्श जगविख्यात अभिनेता चार्ली चॅप्लिनला मानतो.
आज चार्ली चॅप्लिनचा १३२ वा जन्मदिन आहे. यानिमित्ताने संदिपने खास चॅप्लिन स्टाईल फोटो शूट करुन त्यांचे स्मरण केले आहे.
संदिपने लिहिलंय, ''आज माझ्या देवाचा म्हणजेच विश्वविख्यात "चार्ली चॅप्लीन" ❤️ चा जन्मदिवस. आभाळाएवढ्या या कलावंताची नक्कल, अनुकरण करण्याचा मोह कोणाला होणार नाही. 'सगळ्यांनाच' त्याच्या श्टाईलने फोटोशूट करूया आणि त्याला आजच्या दिवशी अभिवादन करूया हा एक छोटा कलाकार म्हणून माझा प्रयत्न. गोड मानून घ्या 😊'' , असे संदिपने म्हटले आहे.
चार्ली चॅप्लीन म्हणतो की " माझं आयुष्यच नाट्यमय आहे. तेव्हा माझ्या आयुष्याचा प्रभाव माझ्या चित्रपटांवर पडणारच. त्यातील सारं वास्तव मी स्वत:च अनुभवल्यामुळे माझे चित्रपट जिवंत वाटतात.नकळत मी लोकांना जीवनातलं दु:ख दाखवून देतो.' तर असा हा हसऱ्या मुखवट्यातून वेदनेचा सूक्ष्म वेध घेणारा महान कलावंत. या "मनस्वी"कलावंताला अभिवादन 🙏 " असेही संदिपने आपल्या पोस्टमध्ये म्हटले आहे.
संदिप पाठकच्या या फोटोशूटवर चाहते खूश झाल आहेत. अनेकांनी त्याला शुभेच्छा दिल्या आहेत.
हेही वाचा - मनोरंजनसृष्टीला अत्यावश्यक सेवा म्हणून मानले जावे; IFTPC ची मागणी!
