ETV Bharat / sitara

डॉ. बाबासाहेब आंबेडकर मालिकेत पहायला मिळणार 'राजगृह'

author img

By

Published : Jul 27, 2020, 9:23 PM IST

‘डॉ. बाबासाहेब आंबेडकर’ महामानवाची गौरवगाथा मालिकेत बाबासाहेबांचा दादर इथल्या राजगृहातील प्रवेश पाहायला मिळणार आहे. ही वास्तू गेले काही दिवस एका वेगळ्या कारणाने चर्चेत असली, तरीही बाबासाहेबांच्या आयुष्यातील ती एक अत्यन्त महत्वाचा भाग आहे. या वास्तूमधील त्यांचं वास्तव्य नेमकं कसं होतं हे पुन्हा एकदा मालिकेच्या रुपात प्रेक्षकांना अनुभवता येईल.

rajgruh-to-be-seen-in-dr-babasaheb-ambedkar-series
मालिकेत पहायला मिळणार 'राजगृह'

‘डॉ. बाबासाहेब आंबेडकर’ महामानवाची गौरवगाथा मालिकेत महत्वाचा ऐतिहासिक प्रसंग पाहायला मिळणार आहे आणि तो म्हणजे बाबासाहेबांचा दादर इथल्या राजगृहातील प्रवेश. ही वास्तू गेले काही दिवस एका वेगळ्या कारणाने चर्चेत असली, तरीही बाबासाहेबांच्या आयुष्यातील ती एक अत्यंत महत्वाचा भाग आहे. या वास्तूमधील त्यांचं वास्तव्य नेमकं कसं होतं हे पुन्हा एकदा मालिकेच्या रुपात प्रेक्षकांना अनुभवता येईल.

दीड महिन्यांच्या अथक परिश्रमांनंतर राजगृहाची हुबेहुब प्रतिकृती उभारण्यात आली आहे. कलादिग्दर्शक अजित दांडेकर यांनी राजगृहाचा हुबेहुब सेट उभारला आहे. हा सेट उभारण्याआधी त्यांनी दादर इथल्या राजगृहाला प्रत्यक्ष भेट देऊन या ऐतिहासिक वास्तूचा अभ्यास केला. राजगृहाची प्रतिकृती साकारणं हे खूप मोठं आव्हान होतं. स्टार प्रवाह आणि डॉ. बाबासाहेब आंबेडकर मालिकेच्या संपूर्ण टीमने हे आव्हान पेलण्याचा निर्धार केला आणि ते प्रत्यक्षातही आणलं.

rajgruh-to-be-seen-in-dr-babasaheb-ambedkar-series
मालिकेत पहायला मिळणार 'राजगृह'

बाबासाहेबांचे सुरुवातीचे दिवस अत्यंत कठीण परिस्थितीत गेले. बॅरिस्टर झाल्यानंतर त्यांनी वकिली सुरु केली. आणि अल्पावधीतच त्यांची एक हुशार वकील म्हणून ख्याती पसरली. 1930 सालानंतर त्यांच्या आर्थिक परिस्थितीत सुधारणा होत गेली. तेव्हा बाबासाहेबांचं कार्यालय परळच्या दामोदर ह़ॉल जवळ होतं. घरी येणाऱ्या जाणाऱ्यांचा राबता वाढला होता. पोयबावाडीतील घर अपूरं पडू लागलं होतं. पुस्तकांची आबाळं होत होती. म्हणून त्यांनी स्वतःसाठी नवीन घर बांधण्याचा निश्चय केला. पुस्तकं ठेवण्यासाठी नवीन घर बांधणारे बाबासाहेब हे कायमच या निर्णयामुळे वेगळे ठरले.

rajgruh-to-be-seen-in-dr-babasaheb-ambedkar-series
मालिकेत पहायला मिळणार 'राजगृह'

बाबासाहेबांनी स्वतःची इमारत उभी करताना त्यात ग्रंथालय कसे असावे, याचा अभ्यासपूर्ण आराखडा तयार केला होता. परदेशात पाहिलेल्या उत्तमोत्तम ग्रंथालयांची वैशिष्ट्ये आपल्याकडेही असावीत, असा प्रयत्न त्यांनी केला. त्या रचनेत तीन-तीन खोल्यांचे दोन ब्लॉक्स त्यांनी राजगृहाच्या तळमजल्यावर बांधून घेतले होते. त्या दोन ब्लॉक्समध्ये त्यांनी आपल्या कुटुंबीयांच्या राहण्याची व्यवस्था केली होती. राजगृहाच्या पहिल्या मजल्यावर डॉ.बाबासाहेबांनी स्वत:च्या राहण्याच्या सोयीबरोबरच आपल्या प्रिय ग्रंथालयाची आणि कार्यालयाचीही सोय केली होती. त्यांनी स्वत: आराखडा तयार करून त्याप्रमाणे सोयी करून घेतल्या होत्या. इमारतीचे प्रत्यक्ष बांधकाम १९३१ च्या जानेवारी महिन्यात सुरु झाले. सन १९३३ मध्ये राजगृहाचं बांधकाम पूर्ण झाले आणि बाबासाहेब आपल्या कुटुंबीयांसह राजगृह या आपल्या सुंदर व प्रशस्त वास्तूत राहण्यास आले. डॉ. बाबासाहेब आंबेडकर यांच्या वास्तव्याने पावन झालेली ही वास्तू आता पुन्हा एकदा त्यांच्या आयुष्यावर आधारित मालिकेच्या निमित्ताने आपल्याला पाहायला मिळणार आहे.

‘डॉ. बाबासाहेब आंबेडकर’ महामानवाची गौरवगाथा मालिकेत महत्वाचा ऐतिहासिक प्रसंग पाहायला मिळणार आहे आणि तो म्हणजे बाबासाहेबांचा दादर इथल्या राजगृहातील प्रवेश. ही वास्तू गेले काही दिवस एका वेगळ्या कारणाने चर्चेत असली, तरीही बाबासाहेबांच्या आयुष्यातील ती एक अत्यंत महत्वाचा भाग आहे. या वास्तूमधील त्यांचं वास्तव्य नेमकं कसं होतं हे पुन्हा एकदा मालिकेच्या रुपात प्रेक्षकांना अनुभवता येईल.

दीड महिन्यांच्या अथक परिश्रमांनंतर राजगृहाची हुबेहुब प्रतिकृती उभारण्यात आली आहे. कलादिग्दर्शक अजित दांडेकर यांनी राजगृहाचा हुबेहुब सेट उभारला आहे. हा सेट उभारण्याआधी त्यांनी दादर इथल्या राजगृहाला प्रत्यक्ष भेट देऊन या ऐतिहासिक वास्तूचा अभ्यास केला. राजगृहाची प्रतिकृती साकारणं हे खूप मोठं आव्हान होतं. स्टार प्रवाह आणि डॉ. बाबासाहेब आंबेडकर मालिकेच्या संपूर्ण टीमने हे आव्हान पेलण्याचा निर्धार केला आणि ते प्रत्यक्षातही आणलं.

rajgruh-to-be-seen-in-dr-babasaheb-ambedkar-series
मालिकेत पहायला मिळणार 'राजगृह'

बाबासाहेबांचे सुरुवातीचे दिवस अत्यंत कठीण परिस्थितीत गेले. बॅरिस्टर झाल्यानंतर त्यांनी वकिली सुरु केली. आणि अल्पावधीतच त्यांची एक हुशार वकील म्हणून ख्याती पसरली. 1930 सालानंतर त्यांच्या आर्थिक परिस्थितीत सुधारणा होत गेली. तेव्हा बाबासाहेबांचं कार्यालय परळच्या दामोदर ह़ॉल जवळ होतं. घरी येणाऱ्या जाणाऱ्यांचा राबता वाढला होता. पोयबावाडीतील घर अपूरं पडू लागलं होतं. पुस्तकांची आबाळं होत होती. म्हणून त्यांनी स्वतःसाठी नवीन घर बांधण्याचा निश्चय केला. पुस्तकं ठेवण्यासाठी नवीन घर बांधणारे बाबासाहेब हे कायमच या निर्णयामुळे वेगळे ठरले.

rajgruh-to-be-seen-in-dr-babasaheb-ambedkar-series
मालिकेत पहायला मिळणार 'राजगृह'

बाबासाहेबांनी स्वतःची इमारत उभी करताना त्यात ग्रंथालय कसे असावे, याचा अभ्यासपूर्ण आराखडा तयार केला होता. परदेशात पाहिलेल्या उत्तमोत्तम ग्रंथालयांची वैशिष्ट्ये आपल्याकडेही असावीत, असा प्रयत्न त्यांनी केला. त्या रचनेत तीन-तीन खोल्यांचे दोन ब्लॉक्स त्यांनी राजगृहाच्या तळमजल्यावर बांधून घेतले होते. त्या दोन ब्लॉक्समध्ये त्यांनी आपल्या कुटुंबीयांच्या राहण्याची व्यवस्था केली होती. राजगृहाच्या पहिल्या मजल्यावर डॉ.बाबासाहेबांनी स्वत:च्या राहण्याच्या सोयीबरोबरच आपल्या प्रिय ग्रंथालयाची आणि कार्यालयाचीही सोय केली होती. त्यांनी स्वत: आराखडा तयार करून त्याप्रमाणे सोयी करून घेतल्या होत्या. इमारतीचे प्रत्यक्ष बांधकाम १९३१ च्या जानेवारी महिन्यात सुरु झाले. सन १९३३ मध्ये राजगृहाचं बांधकाम पूर्ण झाले आणि बाबासाहेब आपल्या कुटुंबीयांसह राजगृह या आपल्या सुंदर व प्रशस्त वास्तूत राहण्यास आले. डॉ. बाबासाहेब आंबेडकर यांच्या वास्तव्याने पावन झालेली ही वास्तू आता पुन्हा एकदा त्यांच्या आयुष्यावर आधारित मालिकेच्या निमित्ताने आपल्याला पाहायला मिळणार आहे.

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.