मुंबई - 'बाहुबली' फेम प्रभास दाक्षिणात्य सिनेसृष्टीसह जगभरात लोकप्रिय आहे. 'बाहुबली'च्या दोन्हीही भागांनी प्रभासला प्रचंड लोकप्रियता मिळवून दिली आहे. तो आत्तापर्यंत फेसबुकच्या माध्यमातून चाहत्यांच्या संपर्कात होता. अलिकडेच त्याने इन्स्टाग्रामवर पदार्पण केले आहे. इन्स्टाग्रामवर त्याच्या पहिल्याच फोटोला चाहत्यांचे मोठ्या प्रमाणात लाईक्स मिळाले आहेत.
प्रभासने १६ एप्रिलला इन्स्टाग्रामवर पदार्पण केले होते. पहिल्यादिवशी त्याने कोणतीही पोस्ट शेअर केली नव्हती. तरीही त्याच्या फॉलोअर्सची संख्या लाखोंवर होती. अलिकडेच त्याने तलवारीचे प्रशिक्षण घेतानाचा एक फोटो शेअर केला होता. या फोटोची सध्या मोठ्या प्रमाणात चर्चा आहे.
- " class="align-text-top noRightClick twitterSection" data="
">
सध्या तो त्याच्या आगानी 'साहो' चित्रपटाच्या शूटिंगमध्ये व्यस्त आहे. या सिनेमात तो अॅक्शन सीन करताना दिसणार आहे. या चित्रपटात त्याच्यासोबत श्रद्धा कपूरही झळकणार आहे. 'साहो'चा टीजर काही दिवसांपूर्वीच प्रेक्षकांच्या भेटीला आला. टीजरलाही चाहत्यांची पसंती मिळत आहे. हिंदी, तेलुगू, तमिळ या भाषेत हा चित्रपट प्रदर्शित केला जाणार आहे.
