मुंबई - उत्तराखंडच्या मुख्यमंत्र्यांनी ‘फाटक्या जीन्सबद्दल वक्तव्य केल्यानंतर अनेकांनी संताप व्यक्त केला तर अनेकांनी विनोदी शैलीत त्याचा समाचार घेतला. गायिका नेहा भसीन हिने ‘आयपीएमएल’च्या मंचावर ‘कपड्यांवरून’ तिच्या झालेल्या अपमानासंदर्भात किस्सा सांगितला. एका कार्यक्रमात ती अर्धी चड्डी अर्थातच शॉर्ट्स घालून गेली होती. ती तेथे गाणार होती. परंतु आयोजकांनी तिच्या कपड्यांवर आक्षेप घेत तिला अपमानित करत स्टेजवरून जवळपास हाकलून दिले. खरंतर शॉर्ट्स घालणे हे बऱ्याच वर्षांपासून फॅशनमध्ये आहे आणि तिच्यामते तिने कुठलेही ओंगळ वाटेल असे कपडे परिधान केले नव्हते. तरीही संकुचित मनोवृत्तीच्या व्यक्तींनी तिने घातलेल्या कपड्यांना बोल लावत तिला परफॉर्म करू दिले नाही. तिला प्रश्न पडला होता की त्यांना तिचे कपडे महत्वाचे होते की गायनकौशल्य?
तसं पाहायला गेलं तर नेहा भसीन कधीच रुढीप्रद वागली नाही. तिला जे पटेल तेच ती करत आलीय. त्यामुळे तिला नक्कीच अनेक समस्यांना तोंड द्यावे लागले आहे. त्यामुळे बऱ्याचदा तिला नाउमेद झाल्यासारखे वाटले खरे परंतु ती मरगळ झटकून नेहमीच प्रश्नांना सामोरी गेली आहे. ‘आयपीएमएल’च्या मंचावर फक्त आणि फक्त गाणं आणि टॅलेंट यांनाच महत्व दिले जाते याबद्दल ती आनंदी आहे.
इंडियन प्रो म्युझिक लीगच्या मंचावर नेहाने 'ऐसा जादू डाला रे' वर एक मनाला भुरळ पाडणारा परफॉरमन्स दिला ज्यासाठी तिला स्टँडिंग ओव्हेशन मिळाले. नेहा तिच्या गायकीच्या कौतुकास्पद कौशल्याबद्दल जाणली जाते परंतु तिला आश्चर्य वाटत राहिले आहे की केवळ ती परिधान करीत असलेल्या कपड्यांमुळे तिच्या गाण्याच्या संधी खेचून घेण्यात आल्या. ती तिच्या करियरबद्दल समाधानी आहे परंतु आपल्या देशात महिला गायकांनी गाताना पारंपरिक पद्धतीनेच पोशाख करून गावे हा अट्टाहास व मानसिकता चुकीची आहे असे तिला वाटते. तसेच प्रेक्षकांसाठी हा अट्टाहास आहे हे म्हणणे देखील कालानुरूप नाहीये हे ती सांगते. ‘स्त्रीच्या स्वप्नांची लांबी तिच्या कपड्यांद्वारे, तिचे शरीर, सक्तीने दिखाऊ नैतिकतेने मोजली जाऊ शकत नाही. तिची स्वप्ने निळ्या आकाशासारखी शुद्ध आणि अखंड आहेत’ असे समाज माध्यमावर लिहीत ती व्यक्त झाली. तिच्या पोस्टवर झालेल्या कॉमेंट्सवरून असे जाणवते की देशाची विचारपद्धती चांगल्या प्रकारे बदलत आहे.
नेहा नेहमीच सकारात्मकता दर्शविते आणि इतरांनाही व्यक्तिस्वातंत्र्य अबाधित ठेवण्याचा अधिकार देते. तिच्या 'केहेंदे रेहेंदे' गाण्यातूनही हेच अभिप्रेत होतं. हेही वाचा -
राम गोपाल वर्माचा 'डी कंपनी' रिलीज न होण्याचे 'हे' आहे खरे कारण!!
