कोण होणार करोडपतीच्या कर्मवीरच्या भागामध्ये विशेष अतिथी येऊन सामाजातल्या गरजू घटकांसाठी खेळतात व जिंकलेली रक्कम त्यांना मदत म्हणून देऊ करतात. सह्याद्री देवराई सामाजिक संस्था, सातारा या संस्थेला सयाजी शिंदे आणि मनोज बाजपेयी हे या भागात जिंकलेली रक्कम मदत म्हणून देणार आहेत. या आठवड्यात कोण होणार करोडपती च्या कर्मवीर विशेष भागात हिंदी चित्रपटसृष्टीतील दोन नावाजलेली नावं हजेरी लावताना दिसतील. मनोज बाजपेयी आणि सयाजी शिंदे ‘कोहोक’ च्या कर्मवीर विशेष भागात एकत्र येणार आहेत.
मनोज बाजपेयी आणि सयाजी शिंदे हे गेली बरीच वर्ष एकमेकांचे मित्र आहेत आणि त्यांनी शूल या चित्रपटात एकत्र काम केलं आहे. स्वातंत्र्यदिनानिमित्त मनोज बाजपेयी आणि सयाजी शिंदे हे 'कोण होणार करोडपती' कर्मवीर विशेषमध्ये येणार आहेत. ‘शूल’ चित्रपटदरम्यानच्या आठवणींना त्यांनी या भागामध्ये उजाळा दिला.
मनोज बाजपेयी यांनी आपल्या दर्जेदार अभियानयाच्या जोरावर चित्रपटसृष्टीत नाव कमावलं आहे. अनेक उत्तमोत्तम कलाकृती त्यांनी प्रेक्षकांना दिल्या आहेत, अजूनही देत आहेत. सयाजी शिंदे हे मराठी आणि हिंदी चित्रपटसृष्टी आणि नाट्यसृष्टी यातलं नावाजलेलं व्यक्तिमत्त्व आहे. फक्त आपल्या अभिनयासाठी नाही तर आपल्या समाजसेवेसाठीसुद्धा त्यांना ओळखलं जातं. त्यांनी आत्तापर्यंत अनेक समाजपयोगी कामं केली आहेत.
मनोज बाजपेयी यांनी सचिन खेडेकर मालिका करत असताना सचिनजींच्या अभिनयातले बारकावे पाहिले आणि ते त्यांनी त्यांच्या आगामी चित्रपटात त्यांनी कसे वापरले ते सांगितलं. मनोज बाजपेयी हे हरिवंश राय बच्चन यांचे चाहते आहेत. मनोज बाजपेयींनी हरिवंश राय बच्चन यांची कविता मंचावर म्हणून दाखवली.
‘कोण होणार करोडपती'चा कर्मवीर विशेष भाग १४ ऑगस्ट रोजी सोनी मराठी वाहिनीवर प्रदर्शित होणार आहे.
