मुंबई - बॉलिवूडची 'क्विन' कंगना रनौत हिने अलिकडेच द्वारकेत हजेरी लावली होती. द्वारकाधीशाच्या दर्शनात कंगना यावेळी लीन झालेली पाहायला मिळाली. लवकरच ती जयललिता यांच्या बायोपिकमध्ये झळकणार आहे. या बायोपिकच्या शूटिंगपूर्वी तिने द्वारकेत जाऊन श्रीकृष्णाचे दर्शन घेतले.
जयललिता यांच्या जीवनावर आधारित असलेल्या बायोपिकचे हिंदीमध्ये 'जया' असे शिर्षक असणार आहे. तर, तमिळमध्ये 'थलायवा' असे शिर्षक देण्यात येणार आहे. कंगना जयललिता यांची भूमिका साकारण्यासाठी आपल्या लूकवरही मेहनत घेताना दिसणार आहे. जयललिता यांच्या जीवनातील महत्वपूर्ण घडामोडी या बायोपिकमध्ये पाहायला मिळणार आहेत.
हेही वाचा-मुलाच्या वाढदिवशी काजोल-अजयची भावनिक पोस्ट
कंगनाने आपल्या अभिनयाच्या जोरावर बॉलिवूडमध्ये आपली वेगळी ओळख निर्माण केली आहे. 'गँगस्टर'पासून तर 'जजमेंटल है क्या' या चित्रपटातून तिने खऱ्या अर्थान बॉलिवूडची 'क्विन' असल्याचं सिद्ध केलं आहे.
हेही वाचा-आईला नेहमीच मुलगी हवी होती, ड्रीम गर्ल पाहून तिला नक्कीच आनंद होईल - अपारशक्ती
तिच्या आगामी चित्रपटांमध्ये 'धाकड' आणि 'पंगा' या चित्रपटांचाही समावेश आहे.
