मुंबई - दाक्षिणात्य स्टार विजय सेतुपती बॉलिवूडचे दिग्गज निर्माते दिग्दर्शक राज निदिमोरू आणि कृष्णा डीके यांच्या आगामी अॅमेझॉन प्राइम व्हिडिओ वेब सिरीजच्या स्टार कास्टमध्ये शाहिद कपूरसोबत सामील झाला आहे, अशी माहिती चित्रपट निर्मात्या जोडीने रविवारी दिली. आदल्या दिवशी शाहिदने आपण विजय सेतुपतीसोबत काम करणार असल्याचे सुतोवाच केले होते. तमिळ चित्रपट सुपर डिल्क्स आमि मास्टर या गाजलेल्या चित्रपटामुळे विजय सध्या खूप चर्चेत आहे.
राज आणि डीके यांनी विजयसोबत अमेझॉन प्राइम व्हिडिओ शोच्या सेटवरील एक फोटो शेअर केलाय, ज्यात राशी खन्ना देखील होते. "मक्कल सेल्वान इन दा," असे या फोटोला कॅप्शन देण्यात आले आहे. तमिळ भाषेत याचा अर्थ "लोकांचा खजिना" असा होतो.
- " class="align-text-top noRightClick twitterSection" data="
">
राशी खन्नाने विजय सेतुपतीचे सेटवर स्वागत केले. ''माझ्या आवडत्या कलाकारासोबत तिसऱ्यांदा यावेळी हिंदीत काम करीत आहे..! आमच्या सेटवर विजय सेतुपती सर आपले स्वागत आहे'', असे राशीने म्हटलंय.
- " class="align-text-top noRightClick twitterSection" data="
">
शाहिद कपूरदेखील अद्याप शीर्षक नसलेल्या मालिकेतून डिजिटल पदार्पण करण्यासाठी सज्ज झालाय. त्याने विजय सेतुपती आणि राशी खन्ना यांना एक व्हिडिओ टॅग केलाय. तुमच्यासोबत काम करण्यासाठी उतावीळ झालो असल्याचे शाहिदने म्हटलंय.
राज आमि डीके यांची ही नवी मालिका ड्रामा थ्रिलर शो असणार आहे. त्यांचा फॅमिली मॅन हो शो खूप गाजला होता. या मालिकेसाठी सीता आर मेनन, सुमन कुमार आणि हुसेन दलाल यांनी सहलेखन केले आहे. विजय सेतुपती आगामी शोमध्ये काम करणार असल्याचे वृत्त आल्यानंतर दिग्दर्शकांकडून दुजोरा मिळाला आहे.
