मुंबई - डीजे वाले बाबू, सॅटरडे सॅटरडे आणि अभी तो पार्टी शुरू हुई हैंसारख्या सुपरहिट गाण्यांचा रॅपर बादशाहने नुकतीच एक नवी कार खरेदी केली आहे. आपल्या रॉल्स रॉयस व्रेथ कारचे फोटो इन्स्टाग्राम अकाऊंटवरून शेअर करत बादशाहने याबद्दल माहिती दिली आहे.
हा एक मोठा प्रवास होता असं म्हणत बादशाहने या कारचं आपल्या परिवारात स्वागत केलं आहे. दरम्यान, काही माध्यांनी दिलेल्या वृत्तानुसार या कारची किंमत सुमारे ६.७२ कोटी इतकी आहे. बादशाहने शेअर केलेल्या या पोस्टनंतर अनेक बॉलिवूड कलाकारांनी त्याचं अभिनंदन केलं आहे.
अभिनेता रणवीर सिंगनेही काही इमोजी पाठवत बादशाहचे अभिनंदन केले आहे. यावर रिप्लाय देत बादशाहने अपना टाईम आ गया असा मेसेज केला आहे. याशिवाय सोनम कपूर, आनंद अहुजा, नेहा कक्कड यांनीही बादशाहचे अभिनंदन केले आहे.
