मुंबई - केंद्र सरकारच्या कृषी कायद्याविरोधात आंदोलन करणार्‍या शेतकऱ्यांचे आंदोलन सुरू आहे. जोपर्यंत हा कायदा मागे घेतला जाणार नाही तोपर्यंत शेतकरी आंदोलन मागे घेणार नाहीत या भूमिकेवर ठाम आहेत. दरम्यान या विषयावरुन अभिनेत्री कंगना रणौत आणि पंजाबी गायक अभिनेता दिलजीत दोसंझ यांच्या ट्विटर युध्द सुरू झाले आहे. आता यात दिलजीतच्या बाजूने अभिनेत्री स्वरा भास्कर मैदानात उतरली आहे.
खरं तर, कंगना रणौतने अलीकडेच शेतकऱ्यांच्या निदर्शनात सहभागी झालेल्या एका वृद्ध महिलेबद्दल ट्विट केलं होतं, यावर दिलजीत दोसंझ याने तिला अशी विनंती केली की कोणीही इतका आंधळा होऊ नये. दिलजितच्या या ट्विटनंतर, दोन्ही कलाकार एकमेकांच्या वक्तव्यावर प्रतिक्रिया देऊ लागले आणि चांगले-वाईट बोलू लागले. या संदर्भात स्वरा भास्करने ट्विट केले आहे: "दिलजित दोसंझ एक स्टार आहे. खरंच 'दिल जीत' लेस." असे स्वरा भास्करने आपल्या ट्विटमध्ये म्हणत दिलजीतची पाठराखण केली आहे.
हेही वाचा -सुशांत प्रकरण : शेखर सुमनला एखाद्या चमत्काराची प्रतीक्षा
स्वरा भास्करच्या या ट्विटवर युजर्सनी जोरदार प्रतिक्रिया व्यक्त केली आहे. गेल्या सात दिवसांपासून सतत सुरू असलेल्या शेतकर्‍यांच्या निदर्शनाचा आज आठवा दिवस ठरला आहे. पंजाबचे मुख्यमंत्री कॅप्टन अमरिंदर सिंह यांनी आज गृहमंत्री अमित शहा यांची भेट घेतली, त्यानंतर त्यांनी दोन्ही बाजूंनी हा प्रश्न सोडवण्याचे आवाहन केले. आज शेतकऱ्यांचे शिष्टमंडळ पुन्हा सरकारशी चर्चा करीत आहे.
हेही वाचा -कंगनासोबत वैयक्तिक वाद नाही, पण उत्तर देणे गरजेचे होते - उर्मिला मातोंडकर
