मुंबई - बॉलिवूडचा भाईजान सलमान खान याचा 'भारत' चित्रपट बॉक्स ऑफिसवर तुफान कमाई करत आहे. सोशल मीडियावरही तो बऱ्यापैकी सक्रिय आहे. वेगवेगळे अपडेट्स तो चाहत्यांशी शेअर करत असतो. अलिकडेच त्याने त्याच्या वडिलांसोबतचा एक व्हिडिओ सोशल मीडियावर शेअर केला होता. या व्हिडिओला चाहत्यांनीही चांगला प्रतिसाद दिला. आता त्याने कुटुंबातील आणखी एका सदस्यासोबत फोटो शेअर केला आहे. हा सदस्य त्याच्यासाठी मोस्ट लव्हिंग असल्याचे त्याने म्हटले आहे.
सलमानसाठी हा 'मोस्ट लव्हिंग' सदस्य दुसरा तिसरा कोणी नसुन त्याचा कुत्रा टोरो आहे. त्याने टोरोसोबतचा एक फोटो सोशल मीडियावर पोस्ट केला आहे. 'माझ्या मोस्ट लव्हिंग सदस्यासोबत वेळ घालवताना', असे कॅप्शन त्याने या फोटोवर दिले आहे.
- " class="align-text-top noRightClick twitterSection" data="
">
सलमान खानने अलिकडेच त्याच्या भाच्यासोबतचेही व्हिडिओ शेअर केले होते. या व्हिडिओमध्ये तो त्याच्या भाच्यांसोबत खेळताना दिसतोय. त्याचे हे व्हिडिओदेखील सोशल मीडियावर व्हायरल झाले होते.
आता सलमान खान 'दबंग -३'च्या तयारीला लागला आहे. तसेच आलिया भट्टसोबत तो 'ईन्शाल्ला' या चित्रपटातदेखील झळकणार आहे. त्यामुळे या दोन्हीही चित्रपटांची चाहत्यांना उत्सुकता आहे.
