मुंबई - बॉलिवूडचा विचार केला तर आपल्याकडे सेलेब्रीटीजचे लक्ष वेधून घेण्यासाठी चाहते अनेक क्लृप्त्या करीत असतात. मात्र कधी कधी ही गोष्ट अडचणीची ठरते. हाच अनुभव मायली सायरसला आला.
हॉलिवूड सिंगर आणि अभिनेत्री मायली सायरस हिला एका सनकी फॅन्सचा सामना करावा लागला. ती बार्सिलोना शहरात पती लियाम हेम्सवर्थ याच्यासोबत हॉटेलमधून बाहेर पडली. त्यावेळी एका चाहत्याने तिला गाठले आणि आणि जबरदस्तीने तिचे चुंबनही घेण्याचा प्रयत्न केला.
- " class="align-text-top noRightClick twitterSection" data="
">
सूत्रांनी दिलेल्या माहितीनुसार मायली बार्सिलोनाला परफॉर्मन्स देण्यासाठी पोहोचली होती. ती जेव्हा पतीसोबत हॉटेलमधून बाहेर पडली तेव्हा मीडिया आणि चाहत्यांनी मोठी गर्दी करत तिला घेरले. यातून बाहेर काढण्यासाठी बॉडी गार्ड्स तिच्या मदतीला धावले.
या गर्दीतून वाट काढत जेव्हा हे सेलेब्रिटी कपल जेव्हा निघाले होते, तेव्हा एका व्यक्तीने मायलीचे मागून केस ओढत तिला जवळ खेचण्याचा आणि चुंबन घेण्याचा प्रयत्न केला. तिने त्याला धक्का देत स्वतःला सोडवून घेतले.
या घटनेचा व्हिडिओ सोशल मीडियावर व्हायरल झाला आहे. यात मायलीच्या पतीने तिला आपल्याकडे ओढत तिला चाहत्यांमधून सुखरुप बाहेर काढल्याचे दिसत आहे.
या व्हिडिओनंतर लोकांनी त्या व्यक्तीवर टीकेचा भडीमार केला आहे. मायलीलाही सुरक्षा व्यवस्था वाढवण्याचा सल्ला अनेकांनी दिलाय.
