मुंबई - पडद्यावर 'बॉईज'ची धमाल पाहिल्यानंतर मुलींच्या भावविश्वातील रंगतही पडद्यावर पाहायला मिळणार आहे. 'गर्ल्स' या चित्रपटातून मुलींची धमाल, त्यांच्या त्यांचे गॉसिपिंगचे विषय, त्यांची जगण्याची संकल्पना या सर्व गोष्टी पाहायला मिळणार आहेत. या चित्रपटाचा भन्नाट टीझरही प्रदर्शित करण्यात आला आहे.
या टीझरमध्ये 'बॉईज' या अफलातून 'गर्ल्स'ची ओळख करून देताना दिसत आहेत. मुली काहीच करू शकत नाहीत, असे सांगणाऱ्या या 'बॉईज'ना या 'गर्ल्स' अतिशय चपखल उत्तर देत आहेत. मनमुराद जगणे, राडा घालणे, धमाल-मस्ती करणे एकंदरच लाईफ एन्जॉय करताना त्या दिसत आहेत. सर्व बंधने झुगारून स्वछंदी जगण्याचा आनंद त्यांच्या चेहऱ्यावर पाहायला मिळत आहे. 'हम भी किसीसे कम नही' अशाच काहीशा अंदाजात त्या आपल्याला चित्रपटात दिसणार आहेत.
हेही वाचा -जॉन अब्राहम, अर्शद वारसी 'पागलपंती'साठी सज्ज, पाहा कलाकारांचे फर्स्ट लूक
मुली लाईफ एन्जॉय करतच नाहीत, असा अनेकांचा समज असतो. हाच गैरसमज दूर करण्यासाठी दिग्दर्शक विशाल देवरुखकर घेऊन येत आहेत 'गर्ल्स'. एकूणच काय मुलींच्या बंदिस्त विश्वात नक्की काय घडते? या प्रश्नाचे उत्तर या चित्रपटातून सर्वांना मिळणार आहे. मात्र, यासाठी २९ नोव्हेंबरपर्यंत वाट पाहावी लागेल.
- " class="align-text-top noRightClick twitterSection" data="">
'एव्हरेस्ट एंटरटेनमेंट', 'कायरा कुमार क्रिएशन्स' प्रस्तुत आणि 'कायरा कुमार क्रिएशन्स प्रॉडक्शन'च्या अंतर्गत 'गर्ल्स' या चित्रपटाची निर्मिती नरेन कुमार यांनी केली आहे. तर चित्रपटाचे लेखन हृषिकेश कोळी यांनी केले आहे. तर, अमित भानुशाली यांनी सहाय्यक निर्माता म्हणून काम पाहिले आहे.
हेही वाचा -बॉलिवूड अभिनेत्रींची 'करवा चौथ'
