मुंबई - बॉलिवूडचे महानायक अमिताभ बच्चन यांचा आज ७७ वा वाढदिवस आहे. त्यांच्या वाढदिवसानिमित्त सोशल मीडियावर त्यांच्यावर शुभेच्छांचा वर्षाव होत आहे. बॉलिवूडच्या अनेक कलाकरांनी बिग बींसाठी पोस्ट शेअर केल्या आहेत. गानकोकिळा लता मंगेशकर यांनीदेखील अमिताभ बच्चन यांच्यासाठी सोशल मीडियावर पोस्ट शेअर केली आहे.
लतादिदींनी अमिताभ यांच्या बऱ्याच चित्रपटांमध्ये गाणी गायली आहेत. 'अभिमान', 'जंजीर', यांसारख्या बऱ्याच चित्रपटात त्यांनी गायलेली गाणी आजही लोकप्रिय आहेत. त्यांनी अमिताभ बच्चन यांना शुभेच्छा देत लिहिलंय, 'तुमच्या वाढदिवसानिमित्त तुम्हाला माझ्याकडून भरभरुन शुभेच्छा. तुम्हाला दिर्घायुष्यासोबतच निरोगी आयुष्य लाभो, याच शुभकामना', असं त्यांनी आपल्या ट्विटमध्ये लिहिलं आहे.
हेही वाचा -HBD Amitabh Bachchan: आजच्या तरुणाईलाही लाजवतील 'असे' बिग बींचे ५ लूक्स
११ ऑक्टोंबर १९४२ साली जन्मलेल्या अमिताभ बच्चन यांनी आजवर २०० पेक्षा जास्त चित्रपटांमध्ये भूमिका साकारली आहे. आजही त्यांचे चित्रपट चाहत्यांच्या हृदयात घर करुन आहेत. वयाच्या ७७ व्या वर्षीही चित्रपटातील भूमिकेसाठी ते सज्ज असतात.
अलिकडेच त्यांची 'दादासाहेब फाळके' पुरस्कारासाठीही निवड झाली आहे. २०१५ साली त्यांना देशाचा दुसरा सर्वोच्च नागरी पुरस्कार 'पद्मविभूषण' पुरस्काराने सन्मानित करण्यात आलं होतं.
हेही वाचा -चाहत्यांचं प्रेम पाहुन भारावले 'बिग बी', सोशल मीडियावर मानले आभार
